Անցած ամիս հինգ օրվա ընթացքում Իրանը շարունակական հարվածներ էր հասցնում Հորդանանում գտնվող երեք ռազմաբազաներում տեղակայված ամերիկյան զորքերին՝ անօդաչու թռչող սարքերով եւ հրթիռներով փորձելով ճեղքել հակաօդային պաշտպանության համակարգը։ Հուլիսի 17-ին հրթիռներից մեկը խոցել էր այնտեղ գտնվող բնակելի շինությունները․ զոհվել էր երեք ամերիկացի զինծառայող, ավելի քան 100-ը՝ վիրավորվել։
The New York Times-ը գրում է, որ այս հարձակումները ցույց են տվել երկու միտում։ Հակամարտության զարգացմանը զուգահեռ Իրանը կատարելագործում է իր մարտավարությունը՝ փորձելով շրջանցել ամերիկյան հակաօդային պաշտպանությունը, ընդլայնելով հարվածների աշխարհագրությունը եւ ապավինելով դաշնակիցներին, այդ թվում՝ Եմենում գործող հութիներին եւ Իրաքում գործող իրանամետ խմբավորումներին։
Միաժամանակ` Պենտագոնի հակահրթիռային հրթիռների պաշարները նվազում են, ինչը դրանք ավելի ու ավելի արժեքավոր ռեսուրս է դարձնում հակամարտության պարբերաբար վերսկսման պայմաններում։ Ամերիկյան լրատվամիջոցները հայտնել են, որ պատերազմի սկզբից ԱՄՆ-ը ծախսել է 1500 Patriot հրթիռ, մնացել է 1700-ը։ 2025 թվականին ԱՄՆ ռազմարդյունաբերությունը արտադրել է 600 նման հրթիռ։
Ըստ պարբերականի գնահատականի՝ Իրանը կրկնում է Ուկրաինայում Ռուսաստանի կիրառած մարտավարությունը. Համատեղում է տարբեր տեսակի հրթիռներ եւ անօդաչու թռչող սարքեր՝ հակաօդային պաշտպանության համակարգերը ծանրաբեռնելու եւ շեղելու համար։
«Իրանը արդյունավետորեն կիրառում է ռուսական մարտավարությունը՝ հակառակորդի տարածք ուղարկելով հրթիռների եւ անօդաչու թռչող սարքերի մի ամբողջ շարք, որպեսզի դժվարացնի Պարսից ծոցի տարբեր հատվածներում անվտանգության ապահովումը»,- NYT-ին ասել է զրուցակիցը։
Բացի այդ, Պենտագոնի ներկայացուցիչների հետ զրույցներում Իրանից խոցած F-15E կործանիչի անձնակազմը պատմել է, որ ինքնապաշտպանության համակարգերը վտանգի մասին նախազգուշացրել է միայն հարվածից կես վայրկյան առաջ։
Ամերիկացի զինվորականները եզրակացրել են, որ անօդաչու թռչող սարքերը իրանցի հրամանատարներին փոխանցել են երեք առանցքային պարամետր, որոնք օգնել են նշանառել F-15E-ը՝ դրա GPS կոորդինատները, արագությունը եւ շարժման ուղղությունը, նշել է բարձրաստիճան զինվորականներից մեկը։
Երբ անցած ամիս Եմենի հութիները միացան պատերազմին, փորձագետները հայտարարեցին, որ դա ազդանշան էր. Իրանն ստիպում է ԱՄՆ-ին եւ նրա դաշնակիցներին հետ մղել բոլոր ուղղություններից օդային հարձակումները։
Եմենը Իրանից հարյուրավոր մղոն հեռավորության վրա է, ուշադրություն է հրավիրում NYT- ը։
Բացի այդ, փորձագետների տվյալներով՝ Իրանը ցրել է իր զորքերն ու ղեկավարությանը երկրի ողջ տարածքում գտնվող ապաստարաններում։
«Որտե՞ղ են նրանք։ Չի թվում, թե նրանք նստած են մի վայրում, որը կարելի է պարզապես ռմբակոծել։ Նրանց հնարավոր չէ գտնել»,- թերթի հետ զրույցում ասել է Ջոնս Հոփքինսի համալսարանի պրոֆեսոր Վալի Նասրը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում