ԿԳՄՍՆ-ի և Գյումրու «Երիտասարդական նախաձեռնությունների կենտրոն» ՀԿ-ի միջև ստորագրվել է համագործակցության հուշագիր
ՀՀ կրթության, գիտության, մշակույթի և սպորտի նախարարության և Գյումրու «Երիտասարդական նախաձեռնությունների կենտրոն» ՀԿ-ի միջև ստորագրվել է սոցիալական գործընկերության փոխըմբռնման հուշագիր։ Այդ մասին հայտնում են ԿԳՄՍՆ-ից:
Փաստաթուղթը ստորագրել են ԿԳՄՍ նախարար Ժաննա Անդրեասյանը և Գյումրու երիտասարդական նախաձեռնությունների կենտրոնի ղեկավար Արթուր Նաջարյանը։ Արարողությանը ներկա է եղել նաև նախարարի տեղակալ Արթուր Մարտիրոսյանը:
Հուշագրի նպատակը սոցիալական գործընկերության խթանումն է՝ երիտասարդության ոլորտում համատեղ նախաձեռնությունների, ծրագրերի և միջոցառումների իրականացմամբ՝ նպաստելով երիտասարդների ներուժի բացահայտմանը, կարողությունների զարգացմանը, որոշումների կայացման գործընթացներում նրանց ներգրավմանը։
Շնորհակալություն հայտնելով գործընկերներին շարունակական համագործակցության և համատեղ աշխատանքի համար՝ ԿԳՄՍ նախարար Ժաննա Անդրեասյանը համոզմունք է հայտնել, որ սոցիալական գործընկերության հուշագիրն առաջմղման մոտիվացիա է թե՛ նախարարության, թե՛ Գյումրու երիտասարդական նախաձեռնությունների կենտրոնի համար:
«Ուրախ եմ, որ սոցիալական գործընկերությունը հաստատվում է նաև ստորագրված հուշագրով. միասին կշարունակենք համատեղ աշխատանքը՝ ի նպաստ մեր երկրի ու երիտասարդների զորեղացման»,- ասել է նախարար Ժաննա Անդրեասյանը՝ կարևորելով կազմակերպության ակտիվ գործունեությունը երիտասարդական միջավայրերի ձևավորմանն ուղղությամբ։
«Մեզ համար սա ուղղակի փաստաթղթի ստորագրում չէ. այն, կարծում եմ, մեր ընդհանուր տեսլականի և պարտավորության հաստատումն է»,- ասել է Արթուր Նաջարյանը՝ ընդգծելով, որ պետության հետ այսօրինակ գործընկերությունը դրական արձագանք է գտնում նաև միջազգային հարթակներում:
Նշվել է, որ համագործակցության հիմքում «Երիտասարդական քաղաքականության մասին» ՀՀ օրենքով սահմանված պետական երիտասարդական քաղաքականության առաջնահերթություններն են, մասնավորապես՝ երիտասարդական միջավայրերի ձևավորման միասնական մոտեցումները: Ըստ այդմ՝ համայնքներում հիմնված երիտասարդական կենտրոններում 13-35 տարեկան երիտասարդների համար կմատուցվեն տարատեսակ ծառայություններ՝ միտված նրանց ներուժի բացահայտմանը, կարողունակությունների զարգացմանը, ակտիվ քաղաքացիության գործադրմանը, ինտելեկտուալ ժամանցի կազմակերպմանը, իրազեկվածության բարձրացմանը:
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ԱՄՆ-ն Մերձավոր Արևելք է տեղափոխել F-16C կործանիչներ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Ֆրանսիայում հրշեջները պայքարում են անտառային հրդեհների դեմ
Կասեցվել է «Օքսիջեն»-ի հացի թխման արտադրամասի գործունեությունը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան