Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Մադրիդի «Ատլետիկոն» Լա Լիգայի 2025/2026 մրցաշրջանի 37-րդ տուրի՝ «Ժիրոնայի» դեմ տնային խաղից (1:0) հետո հրաժեշտի հանդիսավոր արարողություն է կազմակերպել թիմի ֆրանսիացի հարձակվող Անտուան Գրիզմանի համար։ 35-ամյա ֆուտբոլիստն ամռանը որպես ազատ գործակալ կտեղափոխվի ՄԼՍ՝ համալրելով «Օռլանդո Սիթիի» շարքերը:
Կիրակի օրը՝ մայիսի 17-ին, «Ռիյադ Էյր Մետրոպոլիտանո» մարզադաշտում կայացած հրաժեշտի արարողությանը ներկա են եղել ակումբի բազմաթիվ լեգենդներ, այդ թվում՝ Դիեգո Գոդինն ու Ֆեռնանդո Տոռեսը:
Թիմի դարպասապահ Յան Օբլակը, ավագ Կոկեն և պաշտպան Խոսե Մարիա Խիմենեսը Գրիզմանին են նվիրել հուշանվեր՝ մարզաշապիկի տեսքով, որի համարը կազմված էր ֆրանսիացու լուսանկարներից և ստորագրված էր թիմի ֆուտբոլիստների կողմից:
Ներկայիս կազմի հետ համատեղ լուսանկարից հետո Անտուանը կրկնել է այն հայտնի դրվագը, որը ֆիքսվել էր դեռևս 2014 թվականին՝ «Վիսենտե Կալդերոն» մարզադաշտում իր շնորհանդեսի ժամանակ:
Արարողության ընթացքում թիմի գլխավոր մարզիչ Դիեգո Սիմեոնեն հուզիչ խոսքերով է դիմել ֆրանսիացուն.
«Բարսելոնայում» կատարվեց այն ամենը, ինչ ես քեզ այն ժամանակ ասել էի։ Տոռեսը մարմնավորեց դա քո մեջ. բոլորն այդպես են զգում: Շատ հազվադեպ է պատահում, որ քեզ բոլորը սիրեն, բայց քեզ սիրում են բոլորը: Դու եկար որպես եզրային կիսապաշտպան, մենք քեզ տեղափոխեցինք կենտրոն, և դու անկշտում դարձար դարպասի առջև։ Քո թարմությունն ու ուրախությունը վարակիչ էին թիմակիցներիդ համար և քեզ հասցրին այնտեղ, որտեղ դու արժանի ես լինել: Մարդիկ արդեն կես ժամ է՝ նստած են այստեղ և տեղներից չեն շարժվել: Նրանք չեն հեռանում, որովհետև դու արժանի ես դրան։ Շնորհակալություն»,- արգենտինացի մասնագետի խոսքերն է մեջբերում Yahoo Sports-ը:
Հատկանշական է, որ «Ժիրոնայի» դեմ խաղը Գրիզմանի համար հոբելյանական՝ 500-րդն էր «Ատլետիկոյի» մարզաշապիկով, որտեղ նա դարձավ գոլային փոխանցման հեղինակ։
Մադրիդյան թիմի կազմում ֆրանսիացին ընդհանուր առմամբ խփել է 212 գոլ՝ դառնալով Իսպանիայի Սուպերգավաթակիր (2014), Եվրոպայի լիգայի հաղթող (2018) և ՈւԵՖԱ-ի Սուպերգավաթակիր (2018):
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...