Հայաստան-Թուրքիա ու Հայաստան-Ադրբեջան կարգավորման գործընթացներն ընթանում են զուգահեռաբար. Մամեդով
Անկարայում Ադրբեջանի դեսպան Ռաշադ Մամեդովը թուրքական հեղինակավոր «Cumhuriyet» թերթին տված հարցազրույցում անդրադարձել է հայ-թուրքական սահմանի բացման հնարավորությանը և հերքել այն պնդումները, թե Բաքուն վետո է դրել այդ գործընթացի վրա։ Դեսպանի խոսքով՝ Ադրբեջանն ու Թուրքիան վարում են փոխհամաձայնեցված քաղաքականություն, և Հայաստան-Թուրքիա ու Հայաստան-Ադրբեջան հարաբերությունների կարգավորման գործընթացներն ընթանում են զուգահեռաբար։
Մամեդովը հայտարարել է, որ հունիսի 7-ին Հայաստանում կայանալիք ընտրություններից հետո, երբ հանրաքվեի միջոցով կփոխվի Սահմանադրությունը և կվերացվեն Ադրբեջանի նկատմամբ տարածքային պահանջները, ԱՄՆ-ում կստորագրվի խաղաղության պայմանագիր, ինչից հետո միայն կբացվեն թե՛ հայ-թուրքական, և թե՛ հայ-ադրբեջանական սահմանները։
«Հայաստանի Սահմանադրությունը պարունակում է տարածքային պահանջներ Ադրբեջանի նկատմամբ։ Հունիսի 7-ի ընտրություններից հետո նրանք կփոխեն սահմանադրությունը և կանցկացնեն հանրաքվե։ Տարածքային պահանջների լուծումից հետո կստորագրվի ԱՄՆ-ում ստորագրված խաղաղության համաձայնագիր Ադրբեջանի և Հայաստանի միջև։ Դրանից հետո կբացվեն Հայաստանի և Թուրքիայի, ինչպես նաև Հայաստանի և Ադրբեջանի միջև սահմանները»,- ասել է նա։
Ադրբեջանցի դիվանագետը նաև նշել է, որ կողմերն այժմ փոքր քայլերով են առաջ շարժվում. մասնավորապես՝ Ադրբեջանն արդեն առևտրային կապեր է հաստատել Երևանի հետ՝ ապահովելով նրա էներգետիկ անվտանգությունը նավթի ու վառելիքի մատակարարումներով, ինչպես նաև աջակցելով Ղազախստանից ու Ռուսաստանից ցորենի և այլ արտադրանքի տեղափոխմանը։
Հիշեցնենք, որ Թուրքիան Հայաստանի հետ սահմանը փակել էր 1993 թվականին Ղարաբաղյան հակամարտության պատճառով, իսկ հարաբերությունների կարգավորման գործընթացը մեկնարկել է 2020 թվականին։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...