Իրանի իշխանությունները վախեցնում եւ սպառնում են ցուցարարներին

Նրանց, ովքեր երեք օր անց շարունակում են մասնակցել բողոքի ցույցերին, ավելի խիստ պատիժ է սպասվում։ Այս մասին հայտնել է Իրանի հեղափոխական դատարանի ղեկավար Խոջաթոլեսլեմ Մուսա Ղազանֆարաբադին, փոխանցում է Tasnim-ը։

Խոջատոլեսլեմ Մուսա Ղազանֆարաբադիի խոսքով՝ նրանք, ովքեր մասնակցում են բողոքի ցույցերին դրանց սկսվելուց երեք օր անց, գիտակցաբար են փողոց դուրս եկել ու դիմել բռնության, չնայած կառավարությունն արգելել է նման ցույցեր ։

Բողոքի ցույցերի մասնակիցների հանդեպ պատիժներն օրեցօր ավելի են խստանալու։ «Նրանց կդիտարկեն ոչ թե որպես ցուցարարներ, այլ որպես խռովարարներ, որոնք փորձում են վնասել պետական ապարատին»,- փոխանցում է գործակալությունը։

Ղազանֆարաբադին նշել է, որ ձերբակալվածները, որոնք ղեկավարել են բողոքի ցույցերը ու կապ ունեն օտարերկրյա հետախուզության հետ, շուտով կկանգնեն դատարանի առաջ։

Ավելի վաղ հայտնել էին, որ Թեհրանում երեք օրվա ընթացքում ավելի քան 450 ցուցարար է ձերբակալվել։ Երկրի անվտանգության ուժերը մի քանի մարդ են ձերբակալել բողոք հրահրելու համար։

Լուրեր Հայաստանից - NEWS.am

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում