Քիմ Քարդաշյանի սուրբծննդյան զգեստը համացանցի հիթ է դարձել

Ո՞վ է այն մարդը, որի ոճին հետևում են բոլորը ու որը կարող է նորից վերակենդանացնել օրինակ 90-ականների վերջի նորաձևությունը։ Ճիշտ է, Քիմ Քարդաշյանն է, որը Քարդաշյան-Ջեներ գերդաստանի սուրբծննդյան երեկույթին հայտնվել էր Dior ապրանքանիշի 1997 թ․ հավաքածուի վինտաժային զգեստով։

37-ամյա հայուհին, ինչպես և երեկույթի հյուրերը, առանձնապես շատ չէր լուսանկարվում, բայց համացանցում այնուամենայնիվ հայտնվել են աստղի մի քանի լուսանկարներ։

Բաց մանուշակագույն ժակարդային բարձր օձիքով վերարկուն զարդարված էր երկու գունավոր շերտերով կրծքի մասում ու զարդարված հուլունքներով։

Ավելորդ է ասել, որ այն բանից հետո, երբ լուսանկարները համացանցում են հայտնվել, օգտատերերը սկսել են համացանցում որոնել այդ անսամբլը՝ այն պատվիրելու նպատակով։

Ի դեպ, երեկույթի ժամանակ Քիմի իմիջի համար նրա նոր ոճաբանն էր պատասխանատու։ Սիմոնե Խարուշեն, որի հետ Քիմը մանկուց է ծանոթ։

Աղբյուր՝ People