Նոր աղբավայր չենք կառուցում, այլ աղբի վերամշակման գործարան պետք է ունենալ
Երևանի քաղաքապետ Տիգրան Ավինյանը հիշեցրել է, որ ինքը հանձնարարել է ոչ թե նոր աղբավայրի, այլ աղբի վերամշակման գործարան կառուցել։ Նա նշել է, որ եթե նոր աղբավայրի կառուցման ուղղությամբ աշխատանքներ են տարվում, դրանք պետք է դադարեցվեն։
«Մենք նոր աղբավայր չենք կառուցում, պետք է կոնսերվացնենք մեր եղած աղբավայրը և ունենանք աղբի վերամշակման գործարան։ Ես առաջին օրվանից պարզ հայերենով ասել եմ՝ զուգահեռ պրոցեսներ ենք անում, որ հասկանանք՝ որով ենք արագ հասնում կետին։ Եթե մի կետում այդ պրոցեսները միավորել կարող ենք, ուրախ եմ, բայց նոր աղբավայր չենք կառուցում, այլ աղբի վերամշակման գործարան։ Սա է մեր առջև դրված խնդիրը։ Որևէ այլ կոմպրոմիսային պրոցես չենք անում։ Հենց եղած աղբավայրը կառավարելի տեսքի ենք բերել, մի քիչ ավելի առանց շատ խորքային պրոցեսների եղած աղբավայրում կարող ենք այն կառավարելի պահել և բարելավումներ անել։ Նոր աղբավայր կառուցելու պրոցես խնդրում եմ չքննարկել»,- ասել է նա՝ շեշտելով, որ վերջնական նպատակը աղբի վերամշակման գործարան ունենալն է. «Ուզում եմ ֆիքսենք, որ մեր վերջնանպատակը նոր աղբավայր կառուցելը չի, նոր աղբավայր եթե կոչում ենք նաև այն հատվածը, որտեղ նաև գտնվում է մեր աղբի մշակման նոր գործարանը, խնդրեմ։ Բայց հանկարծ չստացվի, որ նոր աղբավայր ենք կառուցում ու այդտեղ պետք է կանգնենք»։
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
ԵՄ-ն սցենարներ է դիտարկում Օրբանի հավանական հաղթանակի դեպքում
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
Տիբո Կուրտուայի վնասվածքն ավելի լուրջ է, քան կանխատեսվում էր
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Երևանում Թիկնիզյանի խաղին հետևել է Սպարտակի ներկայացուցիչը
«Վարչաբենդի» համերգը տեղի կունենա ապրիլի 4-ին՝ ժամը 20.00-ին