Ավրաամ Ռուսոն այլևս չի ցանկանում բաժանվել կնոջից

Ավրաամ Ռուսոն այլևս չի ուզում բաժանվել կնոջից, գրում է Starhit-ը։

Երգչի ընտանիքում սկանդալը բորբոքվել է մի քանի ամիս առաջ։ Ռուսոյի կինը՝ Մորելան, հայտնել է, որ 12 տարվա համատեղ կյանքից հետո ամուսինը որոշել է հեռանալ ընտանիքից, ըստ երևույթին ուրիշ կնոջ հետ է հանդիպում, դրա համար էլ լքել է երկու դուստրերին, որոնք սարսափելի կարոտում են իրենց հայրիկին։

Դրան հաջորդել են հրապարակային երկուստեք հանդիմանություններ՝ Ռուսոն հիշում էր այն մասին, որ եղել է Ռուսաստանի ամենացանկալի փեսացուն ո ւ կնոջը հանդիմանում էր երեխաների հետ իր շփումը սահմանափակելու համար, իսկ Մորելան Ավրաամին անվանում էր բռնապետ, որն իրեն ու դուստրերին թողել է առանց գոյության միջոցների։ Սակայն հիմա հայտնվել է տեղեկություն այն մասին, որ երգիչը այլևս չի ուզում բաժանվել կնոջից ու փորձում է պահպանել ընտանիքը։

 Ամուսինների միջև լուրջ վեճ է բռնկվել՝ համատեղ ունեցվածքի, երեխաների խնամակալության վերաբերյալ՝ այդ ամենը նրանք բուռն քննարկել են ականատեսների ներկայությամբ հեռուստաշոուների ժամանակ։ Այնուհետև անսպասելիորեն Ավրաամն ու Մորելան «նստել են բանակցային սեղանի շուրջ»։

«Ես հասկացա, որ չեմ ուզում բաժանվել,- մեջբերում է Ավրաամին Starhit,- Իհարկե, մենք բազմաթիվ տարաձայնություններ ու խնդիրներ ունենք, բայց այդ ամենը հնարավոր է լուծել։ Երկու օր ես անցկացրել եմ աղջիկների հետ։ Վերջապես երկար զբոսնեցինք քաղաքում, ընթրեցինք միասին, ես ժամերով խաղացել եմ նրանց հետ մեր տանը։ Նրանք արժանի են լիարժեք ընտանիքի»։