Կիմ Չեն Ընը դիտարկում է Հարավային Կորեան որպես լիովին թշնամական պետություն, որպես հավերժական թշնամի

ԿԺԴՀ առաջնորդ Կիմ Չեն Ընը, Կորեայի աշխատավորական կուսակցության IX համագումարում ներկայացրած զեկույցում, հայտնել է Հարավային Կորեայի հետ որևէ տեսակի կապերից ամբողջական հրաժարման մասին՝ հերթական անգամ ընդգծելով երկու տարբեր և միմյանց նկատմամբ թշնամաբար տրամադրված պետությունների սկզբունքը, հայտնում է ՌԻԱ նովոստի-ն՝ հղում անելով Կորեայի կենտրոնական հեռագրական գործակալությանը:

«Քանի դեռ Հարավային Կորեան չի կարող դուրս գալ այն աշխարհաքաղաքական պայմաններից, որոնցում նա սահմանակից է մեզ, նրա համար անվտանգ գոյատևելու միակ ուղին մեզ հետ կապված ամեն ինչից հրաժարվելն ու մեզ չդիպչելն է»,- պարզաբանել է Կիմ Չեն Ընը: Նա հավելել է, որ ԿԺԴՀ-ն չի հանդուրժի Սեուլի կողմից ցանկացած առճակատման գործողություն կամ ոտնձգություն ինքնիշխանության և սահմանադրական իրավունքների նկատմամբ: Նաև ԿԺԴՀ կառավարությունը չի պատրաստվում կառչել Հարավային Կորեայի հետ երկխոսությունից և համագործակցությունից, որոնք երկար ժամանակի ընթացքում ապացուցել են իրենց անիրատեսական լինելը: «Մեր վճռականությունն ու կամքը՝ դիտարկելու Հարավային Կորեան որպես լիովին թշնամական պետություն, որպես հավերժական թշնամի, հաստատակամ են և վերջնական»,- հայտարարել է Կիմ Չեն Ընը: