Զինված միջադեպ. Կուբան ԱՄՆ-ում գրանցված նավակի վրա սպանել է 4 մարդու
Կուբայի կառավարությունը հայտնել է, որ չորեքշաբթի օրը երկրի տարածքային ջրեր ներխուժած, Ֆլորիդայում գրանցված արագընթաց նավակով ժամանած չորս էմիգրանտ սպանվել է, ևս վեցը՝ վիրավորվել։ Նրանք կրակ են բացել կուբայական պարեկային ստորաբաժանման ուղղությամբ։ Միջադեպը տեղի է ունեցել ԱՄՆ–Կուբա հարաբերությունների բարձր լարվածության պայմաններում։
Կուբայի ներքին գործերի նախարարության հաղորդմամբ՝ խումբը բաղկացած է եղել հակակառավարական դիրքորոշում ունեցող կուբացիներից, որոնցից ոմանք նախկինում հետախուզվել են հարձակումներ նախապատրաստելու կասկածանքով։ Նրանք Միացյալ Նահանգներից ժամանել են քողարկված հագուստով և զինված են եղել հարձակողական հրացաններով, ատրճանակներով, ինքնաշեն պայթուցիկ սարքերով, զրահաբաճկոններով և օպտիկական նշանակետերով։
Նախարարության հայտարարության համաձայն՝ դավադրության հետ կապված ևս մեկ կասկածյալ է ձերբակալվել կուբայական տարածքում։ «Ձերբակալվածների նախնական ցուցմունքների համաձայն՝ նրանք մտադիր են եղել իրականացնել ահաբեկչական նպատակներով ներթափանցում», - ասված է պաշտոնական հաղորդագրության մեջ։
Վիրավորները տարհանվել են և ստանում են բուժօգնություն։ Վիրավորվել է նաև կուբայական պարեկության հրամանատարը։
Միջադեպին արձագանքել է նաև ԱՄՆ-ը։ Պետքարտուղար Մարկո Ռուբիոն լրագրողներին հայտնել է, որ միջադեպը ԱՄՆ կառավարության նախապատրաստած գործողություն չէ և ոչ մի ամերիկացի պաշտոնյա չի մասնակցել դրան։
Կուբայի իշխանությունները ԱՄՆ-ին տեղեկացրել են կատարվածի մասին, սակայն Հավանայում գործող ԱՄՆ դեսպանատունը կփորձի ինքնուրույն ճշտել միջադեպի հանգամանքները։ «Մենք կունենանք մեր սեփական տեղեկատվությունը, կպարզենք՝ ինչ է իրականում տեղի ունեցել, և հնարավոր են տարբեր վարկածներ», - ասել է Ռուբիոն։
Էպշտեյնը գաղտնի պահեստային տարածք է վարձակալել՝ լուսանկարներն ու համակարգիչները իշխանություններից թա...
Նախկին դատախազը ինքնասպանություն է գործել՝ նետվելով կամրջից
Կա վտանգ՝ մսխեն մեր տղերքի թափած արյան վրա ստեղծված խաղաղությունը․ վե՛րջ տվեք մանկական խաղերին
ՀՀ պաշտպանության նախարարը հանդիպել է Իրանի նախագահի հետ
ՀՀ պաշտպանության նախարարը Իրանի ԶՈՒ ԳՇ պետի հետ քննարկել է տարածաշրջանային անվտանգությանը վերաբերող ...
ԱՄՆ-ի կողմից Իրանի վրա ռшզմական հшրված հասցնելու որոշումն արդեն կայացվել է․ ԿՀՎ նախկին գործակալ
ԵՄ-ն նախատեսում է Հայաստանում տեղակայել նոր՝ «հիբրիդային արագ արձագանքման խումբ»
Սևամորթները նրան որպես հոր են նայում. Ֆերդինանդը պաշտպանել է Մոուրինյուին՝ Վինիսիուսի հետ կապված միջ...
Իրանը միջnւկային զենքից հրաժարվելու խոստում չի տվել. Թրամփ
ՀՀ ժողովրդական արտիստ, հայկական էստրադայի նվիրյալ Ռաիսա Մկրտչյանն այսօր նշում է ծննդյան 84-րդ տարեդա...