ԵՄ-ը չի կարողանա համաձայնեցնել ՌԴ-ի դեմ պատժամիջոցների փաթեթը. Կալաս
ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հայտարարել է, որ Եվրոպական միության արտգործնախարարները Բրյուսելում կայացած հանդիպման ընթացքում չեն կարողանա համաձայնեցնել Ռուսաստանի դեմ պատժամիջոցների 20-րդ փաթեթը։
Նրա խոսքով՝ փաթեթը կքննարկվի, սակայն առաջընթաց չի ակնկալվում։ «Մենք կլսենք բոլոր առարկությունները և կմտածենք, թե ինչ կարելի է անել։ Եվրահանձնաժողովը անում է հնարավոր ամեն ինչ պատժամիջոցներն առաջ մղելու համար, սակայն որոշ երկրներից շատ կոշտ հայտարարություններ ենք լսում։ Ես չեմ տեսնում, որ նրանք այսօր փոխեն իրենց դիրքորոշումը», – ասել է Կալասը։
Եվրահանձնաժողովը նախատեսում էր ընդունել պատժամիջոցների փաթեթը մինչև փետրվարի 24-ը՝ որպես աջակցություն Ուկրաինային։ Փաթեթի հիմնական միջոցը պետք է լիներ ռուսական նավթի փոխադրման ամբողջական արգելքը եվրոպական ընկերությունների կողմից, ինչպես նաև համապատասխան ծառայությունների տրամադրման դադարեցումը։ Եթե այդ միջոցներին միանային նաև Մեծ յոթնյակի երկրները, սահմանափակումները կդառնային ավելի լայն։
Սակայն, ըստ աղբյուրների, ԱՄՆ-ն հրաժարվել է միանալ այս փաթեթին, իսկ մյուս երկրները դեռ վերջնական դիրքորոշում չեն հայտնել։ Միաժամանակ Հունգարիան հայտարարել է, որ կարգելափակի ամբողջ փաթեթը, եթե չվերականգնվի ռուսական նավթի տարանցումը «Դրուժբա» նավթատարով։
Չնայած տարաձայնություններին, դիվանագիտական աղբյուրների գնահատմամբ՝ պատժամիջոցների փաթեթը, ամենայն հավանականությամբ, կընդունվի ավելի ուշ, սակայն հնարավոր է՝ կրճատված տարբերակով։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են