ԵՄ առաքելությունը Հայաստանում նոր ղեկավար ունի

ԵՄ Խորհուրդը փետրվարի 17-ին Հայաստանում Եվրոպական Միության դիտորդական առաքելության նոր ղեկավար է նշանակել Սատու Կոյվուին։ Նա փետրվարի 20-ից կփոխարինի Մարկուս Ռիտերին։

Սատու Կոյվուն ֆինլանդացի ավագ ոստիկան է՝ ավելի քան 35 տարվա ազգային և միջազգային փորձով։ Զբաղեցրել է ղեկավար պաշտոններ ՄԱԿ-ի և ԵՄ առաքելություններում Պաղեստինում, Ռուանդայում, Նամիբիայում և Կիպրոսում։ Մինչ EUMA-ի ղեկավար նշանակվելը, աշխատել է Ֆինլանդիայի Ազգային ոստիկանությունում։

EUMA քաղաքացիական առաքելության հիմնական նպատակը Հայաստանի և Ադրբեջանի սահմանին՝ հայկական կողմում իրավիճակի դիտարկումն ու հաշվետվությունների պատրաստումն է։ Առաքելության գործող մանդատը գործում է մինչև 2027-ի փետրվարի 19-ը։