Եվրոպական հանձնաժողովում խուզարկություններ են իրականացվել

ԵՄ գլխավոր դատախազությունը (EPPO) հետաքննություն, իսկ Բելգիայի ոստիկանությունը խուզարկություններ են իրականացնում Եվրոպական հանձնաժողովին պատկանող շենքերում, հինգշաբթի հայտնել են AFP-ն և dpa-ն:

ԵՀ-ն ընդգծել է, որ տեղյակ է հետաքննության մասին, որը կապված է 2024 թվականին Եվրոպական հանձնաժողովի 23 շենքերի վաճառքի հետ: «Մենք վստահ ենք, որ գործարքը կատարվել է պատշաճ կերպով», — նշել են նրանք: Ըստ Եվրոպական հանձնաժողովի շենքերի վաճառքը կատարվել է «սահմանված ընթացակարգերի և արձանագրությունների համաձայն»: Նշվում է նաև, որ ԵՀ-ն համագործակցում է հետաքննության հետ:

ԵՄ գլխավոր դատախազությունը պարզաբանել է, որ «ապացույցներ են հավաքվում ընթացող հետաքննության շրջանակներում»:

ԵՀ-ն հայտարարել է, որ վաճառքը հնարավորություն կտա Եվրոպական թաղամասը վերածել ժամանակակից, գրավիչ և էկոլոգիապես ավելի մաքուր թաղամասի: Եվրոպական հանձնաժողովը նպատակ է դրել մինչև 2030 թվականը 25%-ով կրճատել իր գրասենյակային տարածքը։