Ղազախստանում կանցկացվի սահմանադրական հանրաքվե

Ղազախստանի նախագահ Կասիմ-Ժոմարտ Տոկաևը հրամանագիր է ստորագրել՝ Սահմանադրության փոփոխությունների հանրաքվե անցկացնելու մասին։ Հանրաքվեն նշանակվել է մարտի 15-ին։ Հիմնական փոփոխությունների թվում՝ երկպալատ խորհրդարանից անցում միապալատ մոդելի, Սահմանադրության գերակայության ամրագրում միջազգային պայմանագրերի նկատմամբ։ Ռուսաց լեզվի կարգավիճակը չի փոխվում և շարունակում է մնալ ոչ պաշտոնական։

Տոկաևը հանրաքվեն անցկացնելու հրամանագիրը ստորագրել է Սահմանադրական հանձնաժողովի աշխատանքի արդյունքները լսելուց և վերջնական տարբերակը ստանալուց հետո։ Նախկինում հաղորդվել էր, որ նոր Սահմանադրության տեքստը վերաշարադրվել է ավելի քան 80%-ով՝ փոփոխություններով ընդգրկված է 77 հոդված։

«Վերջին տարիների քաղաքական բարեփոխումների համապատկերն ակնհայտորեն ցույց է տալիս, որ Ղազախստանը վերջնականորեն հրաժարվում է գերտիրապետական կառավարման ձևից և անցնում է նախագահական հանրապետության՝ ուժեղ և ազդեցիկ խորհրդարանով», – ասել է նա։

Չնայած այս հայտարարություններին, իրավաբաններն ու մարդու իրավունքների պաշտպանները նշում են, որ նոր նախագիծը, ընդհակառակը, ընդլայնում է նախագահի լիազորությունները՝ թուլացնելով պետական իշխանության մյուս ճյուղերը։ Ավելին, փոփոխությունները կարող են մեծացնել քաղաքացիների նկատմամբ վերահսկողությունը՝ ազգային շահերի պաշտպանության պատրվակով։