Ճապոնիան միացել Է Ուկրաինային աջակցելու ՆԱՏՕ-ի ծրագրին

Հյուսիսատլանտյան դաշինքի ներկայացուցիչներից մեկը նշել է, որ նույնիսկ ոչ մահաբեր հանդերձանքը չափազանց կարևոր է Ուկրաինայի համար, իսկ Ճապոնիայի մասնակցությունը ծրագրին «զգալի առաջընաթ է»: Խոսքը PURL (Prioritized Ukraine Requirements List - Ուկրաինայի առաջնահերթ պահանջների ցանկ) նախաձեռնության մասին է, որը գործարկվել է ԱՄՆ-ի և ՆԱՏՕ-ի կողմից այն բանից հետո, երբ ԱՄՆ նախագահ Դոնալդ Թրամփը կրճատել է Կիևին տրամադրվող օգնությունը: Այն թույլ է տալիս Ուկրաինային մատակարարել ամերիկյան արտադրության կրիտիկական նշանակության սպառազինություն և սարքավորումներ՝ Հյուսիսատլանտյան դաշինքի անդամ եվրոպական երկրների հաշվին: Նախաձեռնությանը միացել են նաև Ավստրալիան և Նոր Զելանդիան: Գործընկեր երկրները ֆինանսավորում են գնումները՝ համաձայն Կիևի կարիքների առաջնահերթության ցանկի և համակարգում են ներդրումները ՆԱՏՕ-ի հատուկ հիմնադրամի միջոցով: Մասնավորապես, այս մեխանիզմի շնորհիվ Ուկրաինան զենիթային հրթիռներ է ստանում Patriot հակաօդային պաշտպանության (ՀՕՊ) համակարգերի համար: