Թրամփը հայտնել է, որ կարող է «ցմահ» մնալ Խաղաղության խորհրդի ղեկավար

ԱՄՆ նախագահ Դոնալդ Թրամփը հայտնել է, որ դեմ չէ մնալ Խաղաղության խորհրդի նախագահ նաեւ իր երկրորդ ժամկետից հետո, գուցե, անգամ «ցմահ»՝ ավելացնելով, որ վերջնական որոշումն ինքն է կայացնելու։ «Ես դրա իրավունքն ունեմ, եթե ցանկանամ դա։ Ի վերջո, ես ինքս կորոշեմ»,- ավելացրել է նա՝ ասելով, որ կտեսնի, թե ինչ տեղի կունենա։ Թրամփը նաեւ նշել է, որ ուրիշներն էլ են իրեն հորդորում մնալ այդ պաշտոնին՝ ավելացնելով. «Բայց ես վստահ չեմ, որ ցանկանում եմ դա»։

Թրամփին նաեւ հարցրել են Ռուսաստանի նախագահ Վլադիմիր Պուտինի կողմից  ռուսական սառեցված ակտիվների օգտագործման հնարավորության մասին՝ իր ելույթը Խաղաղության խորհրդում ֆինանսավորելու համար։ «Նա պատրաստվում է մտնել Խաղաղության խորհուրդ եւ իր ներդրումն ունենալ միլիարդ դոլարի չափով, եւ, իր փողերի օգտագործումը, ես նկատի ունեմ այն, որ եթե նա օգտագործի իր փողերը,  դա հիանալի կլինի»,- ասել է Թրամփը։