Հենց այս դաշինքն էլ կփոխի կյանքի որակը

Երեկ ինը քաղաքական ուժ հայտ ներկայացրին պայքարելու խորհրդարանական տեղերի համար: Ինը ուժ ՀՀ քաղաքացիներին համոզելու են, որ իրենք են, որ պետք է փոխեն իրավիճակը:

Անշուշտ, բոլորն էլ իրավունք ունեն նախընտրական հանդիպումների, հանրահավաքների, այլ նախընտրական միջոցառումների ժամանակ զբաղվել ինքնագովասանքով, բայց եկել է պահը, երբ ՀՀ քաղաքացին իրավունք չունի մատների արանքով նայել այս ընտրություններին եւ ընտրապայքարին:

Սահմանադրական փոփոխություններից հետո խորհրդարանական ընտրությունները դարձել են երկրի ամենակարեւոր ընտրությունը: Այս ընտրություններով ձեւավորվում է ոչ միայն խորհրդարանը, այլ նաեւ կառավարությունը՝ երկրի ղեկավարությունը:

Ուսումնասիրելով հայտ ներկայացրած քաղաքական ուժերի նախընտրական ցուցակները, միանգամից ուշադրություն է գրավում «Օհանյան-Րաֆֆի-Օսկանյան» դաշինքը: համաձայնվեք, որ եթե ոչ ամենալուրջ, ապա ամենալուրջ քաղաքական ուժերից մեկն է:

Այստեղ մեկտեղված է հարուստ փորձը, երիտասարդությունը, պետական մտածողությունը եւ երկրի նկատմամբ անսահման սերը: Սեյրան Օհանյանի, Րաֆֆի Հովհաննիսյանի եւ Վարդան Օսկանյանի գլխավորած դաշինքը իր մեջ ներառում է քաղաքական պայքարի ժառանգությունը, հասարակության համախմբվածությունը, որն անկասկած բերելու է մեծ հաղթանակների:

Դաշինքի ներկայացուցիչները չեն թաքցնում, որ ներկայացնելու են ոչ միայն թե ինչ է պետք անել երկիրն այս իրավիճակից դուրս բերելու համար, այլ նաեւ, թե ինչպես է արվելու:

Իհարկե, նախընտրական արշավի ժամանակ դաշինքի ներկայացուցիչները, պատգամավորի թեկնածուները դեռ մանրամասնորեն կանդրադառնան Հայաստանի զարգացման ծրագրին, բայց արդեն իսկ այսօր պարզ է, որ ստեղծվել է հզոր դաշինք,որը արմատական դերակատարում է ունենալու քաղաքական դաշտում եւ նպաստելու է արմատական փոփոխությունների իրականացմանը:

Top-News.am 

Այս թեմայով Արցախցիների վերադարձի Իրավունքի ամուր հիմքերն այսօր արդեն դրված են. Վարդան Օսկանյան Եթե նպատակը իսկական խաղաղությունն է, այն պետք է վստահություն ներշնչի երկու կողմերին էլ Օսկանյանը նամակներ է հղել դեսպաններին՝ կոչ անելով ՀՀ իշխանությունների առջև բարձրացնել քաղբանտարկյալների հարցը Այսօր Լեռնային Ղարաբաղի հարցն ունի նոր ընկալում և աջակցություն․ Վարդան Օսկանյան Սեյրան Օհանյանի և Արծվիկ Մինասյանի դեմ քրգործ են ուզում հարուցել