Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը

Մեծ Բրիտանիայի կառավարությունը քննարկում է երեխաների կողմից սոցիալական ցանցերի օգտագործումը արգելելու հարցը, հաղորդում է BBC-ն: Այս հարցի շուրջ խորհրդակցությունները սկսվել են հունվարի 19-ին:

Մեծ Բրիտանիայի կառավարության ներկայացուցիչները պատրաստվում են ուսումնասիրել այն երկրների փորձը, որտեղ անչափահասների համար սոցիալական ցանցերի օգտագործման տարբեր սահմանափակումներ են մտցվել և դրանց արդյունավետությունը։ Մասնավորապես, նրանք նախատեսում են այցելել Ավստրալիա, որը 2025 թվականի դեկտեմբերին լիակատար արգելք է սահմանել 16 տարեկանից ցածր երեխաների համար սոցիալական ցանցերի օգտագործման վրա՝ նպատակ ունենալով պաշտպանել նրանց առցանց գրումինգից (մանկապղծության նպատակով երեխայի հետ վստահելի հարաբերությունների հաստատում) և բուլինգից (հալածանք)։ Ավստրալիան դարձել է աշխարհում առաջին երկիրը, որը նման համատարած արգելք է կիրառել, ինչը դատարանում բողոքարկել են որոշ ռեսուրսներ, ինչպես նաև մի քանի դեռահասներ»։