Գնացեք օֆշորներում հարկային գրասենյակներ բացեք, բյուջեի պակասորդը շատ արագ կփակվի. Փայլանը՝ Թուրքիայի իշխանություններին
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը խորհուրդ է տվել իշխանություններին բյուջեի պակասորդը լրացնելու համար հարկային գանձման ենթարկել այն իշխանավորներին ու նրանց ընտանիքի անդամներին, որոնք կապ ունեն օֆշորային ընկերությունների հետ:
Ինչպես գրում է թուրքական gazeteduvar.com.tr կայքը, Փայլանը հայտարարել է, որ մինչ ժողովուրդը տառապում է թանկացումների ու բարձր հարկերի պատճառով, նախագահ Ռեջեփ Թայիփ Էրդողանի կուսակցությունն ու շրջապատն իրենց իշխանության 15 տարվա ընթացքում մեծ գումարներ են կուտակել կաշառակերության, հարկերից խուսափելու շնորհիվ:
«Գնացեք Պանամայում, Մալթայում, Մեն կղզում հարկային գրասենյակներ բացեք, հավատացեք՝ բյուջեի պակասորդը շատ արագ կփակվի», - ասել է Փայլանը խորհրդարանի ամբիոնից:
Ավելի վաղ Փայլանը մեկնաբանել էր նաև վարչապետ Բինալի Յըլդըրըմի երկու որդիների՝ օֆշորային գոտում հիմնած նավաշինական ընկերությունների մասին լուրերը:
«Վարչապետի որդիները «հարկային դրախտում» ընկերություններ են հիմնել: Այստեղ հարկատուն աղքատներն են: Սրա պատասխանը մինչև վերջ պետք է պահանջենք», - գրել էր Փայլանը սոցցանցերից մեկի իր էջում:
Արվեստանոց՝ սեփական գյուղում
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Խամենեիի գտնվելու վայրը գաղտնի է պահվում՝ անվտանգությունից ելնելով
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին