Իրանը հայտարարել է, որ ԱՄՆ հարձակման դեպքում ամերիկյան բազաներն ու նավերը կդառնան «օրինական թիրախ»

Իրանի խորհրդարանը արտակարգ նիստ է գումարել ամբողջ երկրում տեղի ունեցող զանգվածային բողոքի ցույցերի ֆոնին:

Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Միացյալ Նահանգների կողմից ռազմական հարձակման դեպքում «Իսրայելի, ինչպես նաև ԱՄՆ ռազմական և ռազմածովային կառույցները կդառնան Իրանի օրինական թիրախներ»։

The Wall Street Journal-ը, վկայակոչելով բարձրաստիճան պաշտոնյաներին, տեղեկացրել էր, որ Վաշինգտոնում քննարկվել են Իրանի դեմ հնարավոր հարվածների ծրագրեր։

Իրանում դեկտեմբերի 28-ից բռնկված բողոքի ցույցերը սկզբում պայմանավորված էին ծանր տնտեսական իրավիճակով, քաղաքական երանգ ստացան։

Associated Press-ի տվյալներով՝ ամբողջ երկրում տեղի ունեցած ցույցերի ժամանակ զոհվել է առնվազն 100 մարդ, ևս 2600-ը ձերբակալվել է: Ճշգրիտ թվերը հայտնի չեն, քանի որ երկրում բացակայում է ինտերնետը և միջազգային բջջային կապը։