Շոյգուն պատասխանել է՝ Ռուսաստանի հետ «ուժի դիրքերից» խոսելու Պենտագոնի կոչին

«Մոսկվան պատրաստ է Պենտագոնի հետ փոխգործակցության վերականգնմանը, բայց դա՝ «ուժի դիրքերից» անելը անհեռանկարային է»,– հայտարարել է Սերգեյ Շոյգուն։ 

Նախօրեին Ռուսաստանի հետ այդպիսի երկխոսության կոչ էր արել ԱՄՆ պաշտպանական գերատեսչության նոր ղեկավարը։
Պենտագոնի փորձերը Մոսկվայի հետ երկխոսություն կառուցել «ուժի դիրքերից»՝ անհեռանկարային է։ Այդ մասին հաղորդել է Ռուսաստանի պաշտպանության նախարարության ղեկավար Սերգեյ Շոյգուն,–հաղորդում է «ՌԻԱ Նովոստին»։

Այդպես է նա մեկնաբանել Պենտագոնի ղեկավար Ջեյմս Մետիսի հայտարարությունը, որ նա արել էր նախօրեին՝ փետրվարի 15-ին։ ՆԱՏՕ–ի դաշնակիցների հետ իր առաջին հանդիպման ժամանակ Մետիսը ասել է, որ ԱՄՆ–ն բաց է Ռուսաստանի հետ համագործակցության վերականգնման համար, բայց նաեւ ավելացրել է. «միեւնույն ժամանակ մենք իրատես ենք մեր սպասումներում եւ մեր դիվանագետներին արվող առաջարկություններում՝ բանակցություններ վարել ուժի դիրքերից»։
Շոյգուն ուշադրություն է հրավիրել այն բանին, որ փետրվարի 16–ին Բաքվում տեղի կունենա Ռուսաստանի զինված ուժերի գլխավոր շտաբի հրամանատար Վալերի Գերասիմովի հանդիպումը ամերիկացի գործընկեր՝ Ջոզեֆ Դենֆորդի հետ։ Այդ հանդիպման ժամանակ Ռուսաստանը «սպասում է Պենտագոնի դիրքորոշման բացատրությանը», – ընդգծել է Շոյգուն։
Ինչպես հաղորդվել էր ավելի վաղ, հանդիպմանը նախատեսվում է քննարկել «ՌԴ եւ ԱՄՆ–ի միջեւ համագործակցության ընթացիկ հեռանկարները, ինչպես նաեւ կողմերի ռազմական գործողությունների հետ կապված միջադեպերի կանխումը»։

Top-News.am