Թրամփը խոստացել է անցած ընտրություններում ենթադրվող կեղծիքների ծավալուն հետաքննություն անցկացնել

ԱՄՆ նախագահ Դոնալդ Թրամփը խոստացել է անցած նախագահական ընտրություններում ենթադրվող կեղծիքների ծավալուն հետաքննություն անցկացնել՝ միլիոնավոր «ապօրինի քվեաթերթիկների» մասին հայտարարություններից հետո: Այս մասին հայտնում է BBC-ն:

Թրամփի խոսքով՝ դա վերաբերում է նաեւ նրանց, ովքեր քվեարկությանը մասնակցելու համար գրանցվել են միաժամանակ 2 նահանգներում: Նախագահը հավաստիացրել է, որ հետաքննությունը կառնչվի նաեւ նրանց, որոնք վաղուց հանգուցյալ են, սակայն գրանցվել են քվեարկությանը մասնակցելու համար:

Դոնալդ Թրամփի պնդմամբ՝ մոտ 5 մլն անվավեր քվեաթերթիկներ են տրվել Հիլարի Քլինթոնի օգտին:

Սպիտակ տան մամուլի քարտուղար Շոն Սփայսերը պարզաբանել է, որ քվեարկության ընթացքում զանգվածային խախտումների վերաբերյալ Թրամփի համոզվածությունը հիմնված է նախագահին ԱՄՆ քաղաքացիների ներկայացրած տվյալների վրա:

Թրամփը համոզված է, որ ընտրություններում ենթադրվող խախտումների հետաքննությունը կօգնի կատարելագործել երկրի ընտրական համակարգը:

news.am

Այս թեմայով Թրամփը Կոնգրեսի թույլտվությունը պարտադիր չի  համարում ամերիկացիներին 5000-ական դոլար վճարելու համար Թրամփը հայտարարել է, որ չի զղջում Իրանի դեմ պատերազմի համար Թրամփը հանձնարարել է կրճատել Հարավային Կորեայի հետ համատեղ զորավարժությունները Թրամփը ծրագրային ելույթ կունենա Տեխասում կայանալիք Հանրապետականների համագումարում․ AP Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակելի մոդելի