Արցախի հերոս Ալեն Մարգարյանի հեքիաթի հիման վրա սառցե շոու է ստեղծվել․ պրեմիերան՝ Ամանորին ընդառաջ
Երևանում դեկտեմբերի 20-ին և 21-ին տեղի կունենա Արցախի հերոս, «Ոսկե արծիվ» շքանշանի ասպետ Ալեն Մարգարյանի հեքիաթի հիման վրա ստեղծված նոր սառցե շոուն։ Հայ մշակույթի մեջ առաջին անգամ հայ հեղինակի ամանորյա պատմությունը կվերածվի սառույցի վրա գունեղ շոուի:
Մանկուց մեզ ծանոթ հերոսներ ու նոր կերպարներ, բոլորի կողմից սիրված ամանորյա երաժշտություն, պարային համարներ, յուրօրինակ դեկորացիաներ և բեմական էֆեկտներ՝ այս ամենը ներառված է սառցե ներկայացման մեջ:
Ամանորյա տրամադրության անկրկնելի տեսարանը ստեղծվել է մի թիմի ջանքերով, որը շոուի մասնակից է դարձրել միայն հայաստանցի տաղանդավոր մարզիկ-գեղասահորդների և բարձրակարգ չմշկորդների:
«Որդուս՝ Արցախի հերոս, «Ոսկե արծիվ» շքանշանի ասպետ Ալեն Մարգարյանի «Լեգենդ ամանորյա կախարդանքի մասին» հրաշալի հեքիաթը դառնում է մի լուսավոր ներկայացում, որ կջերմացնի բոլորի սրտերը: Հայ մանուկները և, ինչու ոչ, մեծերը հնարավորություն կունենան վայելելու հայկական ամանորյա գեղեցիկ հեքիաթը սառույցի վրա»,-նշում է Ալենի մայրը՝ նախագծի մեկենաս Նազելի Տերտերյանը։
Ներկայացման սցենարի հեղինակը և բեմադրող ռեժիսորը Էմիլ Կարատն է, պարուսույց-բեմադրիչը՝ Դմիտրի Լապշինը, զգեստների դիզայնը՝ Կարինե Դնոյանը։
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Մահացել է Երևանի նախկին քաղաքապետ Ռոբերտ Նազարյանը
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
Հունվարի 27-ը Հայրենիքի պաշտպանության համար զոհվածների հիշատակի օրն է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Հունաստանում սննդի գործարանում բռնկված հրդեհը երեք մարդու կյանք է խլել
17-ամյա Աննա Զաքարյանը որոնվում է որպես անհետ կորած