Կինոռեժիսոր, պրոդյուսեր Սերժ Ավետիքյանի հետ քննարկվել են մշակութային մի շարք նախագծեր
ԿԳՄՍ նախարարի տեղակալ Դանիել Դանիելյանն այսօր հանդիպել է ֆրանսահայ կինոռեժիսոր, պրոդյուսեր Սերժ Ավետիքյանին: Հանդիպմանը ներկա է եղել նաև Հակոբ Պարոնյանի անվան երաժշտական կոմեդիայի պետական թատրոնի տնօրենի պաշտոնակատար Լիլիթ Պետրոսյանը:
Սերժ Ավետիքյանը տեղեկացրել է, որ ֆրանսիացի գործընկերները հետաքրքրված են Հայաստանում համատեղ ֆիլմարտադրության իրականացմամբ՝ ներկայացնելով հայ-ֆրանսիական հնարավոր համագործակցությանն առնչվող հարցերը:
Այս համատեքստում Դանիել Դանիելյանը ներկայացրել է ֆիլմարտադրության ոլորտում 2025 թվականից գործարկված ներդրումների մասնակի վերադարձի գործընթացը՝ ընդգծելով համատեղ նախագծերի աջակցության և խրախուսման՝ պետության պատրաստակամությունը. «Ֆիլմարտադրության ոլորտում արված այս կարևոր քայլը նպաստում է պրոդյուսերների և ներդրողների, ոլորտի մասնագետների ներգրավմանը՝ խթանելով միջազգային կինոնախագծերի նկարահանումները, միջազգային հեղինակություն ունեցող մասնագետների հետ համագործակցությունը, մասնագիտական նոր տեխնիկայի ներմուծումը: Ֆիլմարտադրության համար Հայաստանի բնակլիմայական պայմանները և աշխատաշուկան նպաստավոր են, և ոլորտի համար դրանք ապահովում են մեծ գրավչություն»:
Քննարկման ընթացքում կողմերը փաստել են նաև, որ նմանօրինակ համագործակցությունները հնարավորություն կընձեռեն ճանաչելի դարձնել և ապահովել Հայաստանի պատշաճ դիրքավորումը միջազգային կինոհարթակներում:
Հանդիպման ընթացքում քննարկվել են նաև կինոոլորտի կրթության հայ-ֆրանսիական նախագծեր, մասնավորապես՝ Երևանի թատրոնի և կինոյի պետական ինստիտուտի համագործակցությամբ: Սերժ Ավետիքյանի տեղեկացմամբ՝ նախատեսվում են ֆրանսերենով դասընթացներ՝ մոնտաժի, սցենարի, ռեժիսուրայի մասնագիտությունների ուղղությամբ: Դասընթացներն անցկացնելու են Ֆրանսիայից և Շվեյցարիայից ժամանած հեղինակավոր մասնագետները:
Հաջորդիվ Սերժ Ավետիքյանը ներկայացրել է Հակոբ Պարոնյանի անվան երաժշտական կոմեդիայի պետական թատրոնի համագործակցությամբ նոր թատերական նախագծի իրականացմանն առնչվող մանրամասները՝ նշելով, որ համատեղ նոր նախաձեռնությունը միտված է Հակոբ Պարոնյանի ստեղծագործական ժառանգության արժևորմանն ու հանրահռչակմանը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Հայ դպրոցականների հերթական հաջողությունը
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Հակակոռուպցիոն կոմիտեի նախագահը միջնորդություն է ներկայացրել նախարարություն
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ