Սանկտ Պետերբուրգում միգրանտներին մինչև 2026 թ. վերջը արգելվել է որպես տաքսու վարորդ և առաքիչ աշխատել

«Արգելքը երկարաձգվել է մինչև 2026 թվականը՝ հաշվի առնելով պետության անվտանգությունը և տնտեսական շահերը։ Որոշումը համաձայնեցվել է Պետերբուրգի սոցիալական և աշխատանքային հարաբերությունների կարգավորման հարցերով եռակողմ հանձնաժողովի հետ։ Հաջորդ տարի արգելքի գործողության շարունակումը ոչ միայն բացասաբար չի ազդի աշխատաշուկայի վրա, այլև կնպաստի ստվերային զբաղվածության դեմ պայքարին, տաքսու և առաքիչների ոլորտներում ծառայությունների որակի ու անվտանգության բարձրացմանը», - ասվում է հաղորդագրության մեջ։

2025 թ. ամռանը Բեգլովը որոշում էր ստորագրել, որով արգելվում է օտարերկրացիներին ներգրավել արտոնագրերով առաքիչների և տաքսու վարորդների աշխատանքի։