Ճապոնիան կործանիչներ է օդ բարձրացրել՝ ռուսական և չինական ռմբակոծիչների համատեղ թռիչքից հետո
Ճապոնիայի պաշտպանական ուժերը կործանիչներ են բարձրացրել օդ՝ տարածաշրջանում համատեղ պարեկություն իրականացնող ռուսական և չինական ռազմական ինքնաթիռները վերահսկելու համար, հաղորդում է Reuters-ը։
Ճապոնիայի պաշտպանության նախարարությունը հայտարարել է, որ երկու ռուսական Տու-95 միջուկային մարտագլխիկներ կրելու կարողությամբ ռազմավարական ռմբակոծիչները թռիչք են կատարել Ճապոնական ծովի ափից դեպի Արևելաչինական ծով։ Այնտեղ դրանք միացել են երկու չինական H-6-երի՝ Խաղաղ օվկիանոսի վրայով «համատեղ, երկարատև թռիչքի» համար։
Ավելի ուշ խմբին են միացել չինական չորս J-16 կործանիչներ, որոնք թռել են ճապոնական Օկինավա և Միյակո կղզիների միջև։ Այս կղզիների միջև ընկած Միյակո նեղուցը համարվում է միջազգային ջրեր։
Միևնույն ժամանակ, Ճապոնիան Ռուսաստանի ռազմաօդային ուժերի ակտիվություն է հայտնաբերել Ճապոնական ծովում: Նախարարության տվյալներով՝ ակտիվությանը մասնակցել են A-50 վաղ նախազգուշացման ինքնաթիռ և երկու Սու-30 կործանիչներ:
Ճապոնիայի պաշտպանության նախարար Շինջիրո Կոիզումին սոցիալական ցանցերում արված հայտարարության մեջ ընդգծել է, որ Ռուսաստանի և Չինաստանի համատեղ թռիչքները Ճապոնիայի դեմ ուղղված ուժի ցուցադրման հատկանիշներ ունեն և «լուրջ մտահոգության» հիմք են երկրի ազգային անվտանգության համար։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Գերմանիայի աշխատաշուկան՝ կադրերի դեֆիցիտի առաջ
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...