ԱՄՆ Սենատում ներկայացրել են Վենեսուելայի դեմ ուժ չկիրառելու պահանջով բանաձև
ԱՄՆ մի խումբ սենատորներ ներկայացրել են բանաձև, որով նախագահ Թրամփի վարչակազմից պահանջում են առանց օրենսդիրների հավանության ռազմական ուժ չկիրառել Վենեսուելայի դեմ։ Ինչպես հաղորդում է «Արմենպրես»-ը, այդ մասին ասվում է ԱՄՆ օրենսդիր մարմնի վերին պալատի անդամ Թիմ Քեյնի (դեմոկրատ, Վիրջինիայի նահանգից) կայքում հրապարակված հայտարարության մեջ։
Փաստաթուղթը, որը պատրաստել են Քեյնը, սենատորներ Ռենդ Փոլը (հանրապետական, Կենտուկիի նահանգից) և Ադամ Շիֆը (դեմոկրատ, Կալիֆոռնիայի նահանգից), ինչպես նաև Սենատում դեմոկրատական փոքրամասնության առաջնորդ Չակ Շումերը (Նյու Յորքի նահանգից), նպատակ ունի թույլ չտալու ԱՄՆ զինված ուժերի մասնակցությունը «ռազմական գործողություններին Վենեսուելայի տարածքում կամ նրա դեմ, եթե հավանություն չստանա Կոնգրեսի կողմից»։ Օրենսդիրներն ուշադրությունը բևեռել են այն հանգամանքի վրա, որ Թրամփը դեկտեմբերի 2-ին հայտարարել է ամերիկյան ուժերի պատրաստ լինելու մասին՝ թմրամաֆիայի դեմ պայքարի շրջանակում «շատ շուտով» սկսելու հարվածներ հասցնել Լատինական Ամերիկայում ցամաքային թիրախներին։
«Ամերիկացիները չեն ցանկանում, որ իրենց ներքաշեն Վենեսուելայի դեմ անվերջ պատերազմի մեջ՝ առանց հանրային քննարկման կամ քվեարկության», - ընդգծել է Փոլը։
Բանաձևում ընդգծվում է, որ Միացյալ Նահանգներում միայն օրենսդիր մարմինն ունի պատերազմ հայտարարելու լիազորություններ։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...