Հարցաքննվել է Ջիգարխանյանի նախկին կինը

Անձնական կյանքի գաղտնիության խախտման մասին քրեական գործի շրջանակներում հարցաքննվել է դերասան եւ ռեժիսոր Արմեն Ջիգարխանյանի նախկին կինը՝ Վիտալինա Ցիմբալյուկ–Ռոմանովսկայան։ Այս մասին ՏԱՍՍ–ին հայտնել է նրա պաշտոնական ներկայացուցիչ Էլինա Մազուրը։

«Նախօրեին ՌԴ ՔՕ 137-րդ հոդվածի 1-ին մասի հատկանիշներով՝ անձնական կյանքի անձեռնմխելիության ոտնահարում, տեղի է ունեցել Վիտալինա Ցիմբալյուկ–Ռոմանովսկայայի հարցաքննությունը։ Այն կրել է ֆորմալ բնույթ, ոչ մի մեղադրանք իմ լիազորողի դեմ չի ներկայացվել»,– ասել է Մազուրը։

«ՌԴ ՔԿ Մոսկվայի Հարավարեւմտյան վարչական շրջանի քննիչի խոսքով՝ Ցիմբալյուկ–Ռոմանովսկայայի հետապնդումն ընթանում է Ջիգարխանյանի անձնական խնդրանքով»,– ասել է փաստաբանը։

Մազուրի խոսքով՝ քրեական գործի նյութերից պարզ չէ, թե ով է դիմել իրավապահ մարմիններին, քանի որ բացակայում է ռեժիսորի՝ որպես հանցագործության հաղորդողի հարցաքննության մասին տեղեկությունը։ «Բոլոր հիմքերը կան ենթադրելու, որ Ցիմբալյուկ–Ռոմանովսկայայի դեմ կազմակերպված հալածանք են կազմակերպել՝ նրա անշարժ գույքը խլելու նպատակով, ինչի կապակցությամբ մեր փաստաբանները համապատասխան դիմումներ են ներկայացրել դատախազություն եւ Քննչական կոմիտե»,– ասել է Ջիգարխանյանի նախկին կնոջ ներկայացուցիչը։

Իրավապահներն ավելի վաղ քրեական գործ էին հարուցել անհայտ անձանց նկատմամբ, որոնք Ջիգարխանյանի աշխատասենյակում գաղտնալսող սարքեր էին տեղադրել։

 NEWS.am

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)