Բրազիլիայի վերաբերյալ Գերմանիայի կանցլերի արտահայտությունները համարվել են կոպիտ և ամբարտավան․ CNN

Բրազիլիայի ղեկավարությունը կոպիտ և ամբարտավան է համարել Գերմանիայի կանցլեր Ֆրիդրիխ Մերցի այն արտահայտությունները, թե Գերմանիայի պատվիրակությունը ուրախ էր հեռանալ Բրազիլիայից, որտեղ մասնակցում էր կլիմայի գագաթնաժողովին։ Այս մասին հայտնել է CNN Brasil հեռուստաալիքը՝ հղում անելով իր աղբյուրներին։

Ինչպես հիշեցրել է հեռուստաալիքը, ավելի վաղ Գերմանիայի կանցլերը նոյեմբերի 13-ին Բեռլինում իր հրապարակային ելույթներից մեկում նշել էր, որ գերմանական պատվիրակությունը «ուրախ էր վերադառնալ Գերմանիա, հատկապես այն վայրից, որտեղ եղել էր ուրբաթ երեկոյան»։ CNN Brasil-ի տեղեկություններով՝ Մերցը խոսում էր նոյեմբերի 7-ին Բրազիլիայում կայացած կլիմայի գագաթնաժողովին մասնակցելու մասին։