Լեհաստանը սկսել է երկրորդ ցանկապատի կառուցումը Բելառուսի հետ սահմանին

Լեհաստանի իշխանությունները սկսել են երկրորդ ցանկապատի կառուցումը Բելառուսի հետ սահմանին՝ Պոդլասկե վոյեվոդությունում, հաղորդում է RMF24 ռադիոկայանը։ Ցանկապատի տեղադրումը կսկսվի առաջիկա օրերին, իսկ ավարտը նախատեսված է հունվարին։

Պատնեշը կազմված կլինի 4 մետր բարձրությամբ մետաղական ցանցից, որի վրա կտեղադրվի փշալար։2022 թվականին լեհական իշխանությունները սահմանի 180 կիլոմետրանոց հատվածը փակեցին 5,5 մետր բարձրությամբ մետաղական արգելապատնեշով, որի վրա դրվեց փշալար։

Սահմանի ողջ երկայնքով տեղադրվել են շարժման սենսորներով և բոլոր եղանակային պայմաններին հետևող տեսախցիկներով հենակետեր։ Արդիականացման աշխատանքներն ավարտվել են 2024 թվականին։