Թեհրանը մտահոգված է Հայաստանի հարավով անցնող «Թրամփի ուղով»․ Իրանցի փորձագետ
Իրանը մտահոգված է Հայաստանի հարավային մասով անցնող տրանսպորտային միջանցքի հնարավոր աշխարհաքաղաքական բաղադրիչով։ Թեհրանի մտահոգությունը կապված է ոչ թե ճանապարհի կառուցման բուն փաստի, այլ իրանական սահմանների մոտ ԱՄՆ-ի կամ Իսրայելի հնարավոր ներկայության հետ։ Այս մասին «NEWS.am»-ի թղթակցի հետ զրույցում հայտարարել է Իրանա-Եվրասիական հետազոտությունների ինստիտուտի (IRAS) փոխտնօրեն Արմինա Արմը։
Մեկնաբանելով Երևանի այն հայտարարությունները, թե ճանապարհի կառուցումը չի ենթադրում ԱՄՆ-ի ռազմական ներկայություն, Արմը նշել է, որ Իրանը զգուշություն է ցուցաբերում։ «Պատմությունը ցույց է տալիս, որ ԱՄՆ-ի տնտեսական նախագծերը հաճախ ձեռք են բերում քաղաքական և աշխարհաքաղաքական բնույթ։ Հենց դա է վախեցնում Թեհրանին։ Մենք արդեն ավելի քան տասը տարի է ինչ ապրում ենք պատժամիջոցների ներքո և Վաշինգտոնն իրականացնում է նախաձեռնություններ առանց Իրանի մասնակցության։ Հարավային Կովկասը կարող է դառնալ այդ միտումի մի մասը»,- ասել է նա։
Պատասխանելով հայ-իրանական հարաբերությունների վրա ծրագրի ազդեցության մասին հարցին, փորձագետը նշել է, որ դրանց հիմքը մնում է ամուր։ «Հայաստանի և Իրանի միջև հարաբերությունները միշտ էլ բարեկամական են եղել։ Քաղաքական հակասություններ չկան և ես պատճառներ չեմ տեսնում, թե ինչու պետք է ծրագիրը խարխլի դրանք։ Թեհրանը ուշադիր կհետևի գործընթացին և կգնահատի դրա իրական հետևանքները»,- եզրափակել է Արմինա Արմը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում