ԱՄՆ-ում օդային փոխադրումների և տիեզերական արձակումների սահմանափակումներ կմտցվեն շաթդաունի պատճառով
Վաշինգտոնի վարչակազմը մտադիր է նոյեմբերի 7-ից սահմանափակումներ մտցնել երկրի որոշ խոշոր օդանավակայաններում ավիափոխադրումների ծավալների վրա և թույլատրել տիեզերական արձակումներ իրականացնել միայն օրվա որոշակի ժամերին՝ կապված ֆեդերալ կառավարության աշխատանքի մասնակի դադարեցման (շաթդաունի) հետ։ Այս մասին չորեքշաբթի օրը մամուլի ասուլիսի ժամանակ հայտարարել է ԱՄՆ տրանսպորտի նախարար Շոն Դաֆին։
Նա նշել է, որ շաթդաունի պատճառով երկրի օդանավակայաններում ավիադիսպետչերների և այլ տեխնիկական մասնագետների պակաս է առաջացել։ Ըստ Դաֆիի, ԱՄՆ իշխանությունները դրա հետ կապված միջոցներ կձեռնարկեն՝ անվտանգության նպատակով։ «Դրանցից մեկը կլինի այն, որ մենք 10%-ով կկրճատենք փոխադրումների ծավալները մեր 40 կետերում»,— ասել է նա։ Ինչպես նա պարզաբանել է, խոսքը, մասնավորապես, վերաբերում է Ամերիկայի խոշոր օդանավակայաններին։ Դրանց ցանկը շուտով կհրապարակվի։
Նախարարը հայտնել է, որ ԱՄՆ-ում տիեզերական արձակումները կթույալտրվեն միայն «օրվա որոշակի ժամերին»։ «Արձակումները կարող են լրջորեն խաթարել օդային տարածքում իրականացվող գործառնությունները»,- պարզաբանել է Դաֆին։ Նա այլ մանրամասներ չի ներկայացրել։
Նախարարի խոսքով՝ նոր կանոնակարգերը ուժի մեջ կմտնեն «ուրբաթ [նոյեմբերի 7-ի] առավոտյան»։ Թե որքան ժամանակ դրանք ուժի մեջ կմնան, դեռևս չի նշվում։ Դաֆին հնարավոր է համարել լրացուցիչ սահմանափակումները։
ԱՄՆ ֆեդերալ կառավարության աշխատանքի մասնակի դադարեցումը (շաթդաունը) սկսվել է հոկտեմբերի 1-ի կեսգիշերին՝ ֆինանսավորման բացակայության պատճառով։ Դա տեղի է ունեցել այն բանի հետևանքով, որ Կոնգրեսում Հանրապետական և Դեմոկրատական կուսակցությունների ներկայացուցիչները չեն կարողացել համաձայնության գալ մի շարք ծախսային հոդվածների շուրջ, ներառյալ առողջապահության ոլորտում։ Նրանք մինչ օրս չեն կարողանում պայմանավորվածություններ ձեռք բերել։ Դեմոկրատներն ու հանրապետականները միմյանց են մեղադրում շաթդաունը հրահրելու և այն քաղաքական նպատակներով ձգձգելու մեջ։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում