Նյու Յորքի քաղաքապետի ընտրություններում հաղթում է դեմոկրատ սոցիալիստ Զոհրան Մամդանին

Դեմոկրատ Զոհրան Մամդանին հայտարարել է, որ 2026 թվականի հունվարի 1-ին կդառնա Նյու Յորքի նոր քաղաքապետը։ Նրա ելույթը հեռարձակվել է ամերիկյան առաջատար հեռուստաալիքներով։

«Հունվարի 1-ին ես կերդվեմ որպես Նյու Յորքի քաղաքապետ», — իր կողմնակիցների հետ հանդիպմանն ասել է նա։

Ձայների հաշվարկը դեռ շարունակվում է, բայց ԱՄՆ խոշոր լրատվամիջոցները, այդ թվում՝ Fox News-ը և NBC News-ը, Associated Press-ը, The Wall Street Journal-ը և The New York Times-ը, արդեն կանխատեսում են Մամդանիի հաղթանակը։ Նա առաջ է անցել անկախ թեկնածու Էնդրյու Կուոմոյից և հանրապետական ​​Քուրթիս Սլիվայից։

Զոհրան Մամդանին կհաղթի Նյու Յորքի քաղաքապետի ընտրություններում՝ հավաքելով ձայների 50.3%-ը, հաղորդել է CBS-ը։

Վերջին 100 տարվա ընթացքում 34-ամյա քաղաքական գործիչը կդառնա քաղաքի ամենաերիտասարդ քաղաքապետը , ինչպես նաև առաջին մահմեդականը և աֆրոամերիկացին (նա ծնվել է Ուգանդայում), որը կզբաղեցնի այդ պաշտոնը։

Իր քարոզարշավի ընթացքում Մամդանին խոստացել է Նյու Յորքը աշխատավոր դասի համար դարձնել ավելի մատչելի, անվճար դարձնել ավտոբուսների տոմսերը, ստեղծել ցածր գներով քաղաքային մթերային խանութների ցանց և մինչև 2030 թվականը նվազագույն աշխատավարձը մեկ ժամի համար 16.50-ից բարձրացնել մինչև 30 դոլար։ Իր սոցիալական նախաձեռնությունները ֆինանսավորելու համար նա մտադիր է բարձրացնել ունևոր խավի հարկերը , գույքահարկ սահմանել Նյու Յորքի մասնավոր համալսարանների համար և առաջացած միջոցները տրամադրել անվճար պետական ​​քոլեջներին։