Ուլյանովսկում ադրբեջանական սփյուռքի առաջնորդը զրկվել է Ռուսաստանի քաղաքացիությունից

«Առանց մեկնաբանությունների», - պարբերականին ասել է Գուսեյնովը։

Հուսեյնովը 56 տարեկան է։ Նա ծնվել և մեծացել է Գյանջայում, իսկ վերջին 20 տարիներին ապրել է Ուլյանովսկում։ Սփյուռքը ղեկավարում է 2005 թվականից։

2015 թվականին Հուսեյնովին մեղադրել են առանձնապես խոշոր չափերի խարդախության մեջ՝ մունիցիպալ սեփականություն հանդիսացող հողատարածքի ձևակերպման և եկամուտների լվացման կապակցությամբ։ Ըստ քննության տվյալների՝ նա մունիցիպալ հողատարածքը գնել էր 776 հազար ռուբլիով, մինչդեռ շուկայում այն արժեր 6 միլիոն ռուբլի, իսկ խոստացված հյուրանոցի փոխարեն սկսել էր բազմաբնակարան շենք կառուցել։ Դատարանը նրան մեղավոր է ճանաչել խարդախության հոդվածով և արդարացրել դրամական միջոցների օրինականացման հոդվածով, ինչպես նաև դատապարտել չորս տարվա պայմանական ազատազրկման՝ 1 միլիոն ռուբլի տուգանքի վճարմամբ։ Հուսեյնովն իրեն մեղավոր չի ճանաչել։

Ադրբեջանի նախագահ Իլհամ Ալիևը Հուսեյնովին պարգևատրել է «Առաջընթաց» մեդալով։ Նրան նաև շնորհվել է Ուլյանովսկի մարզի կառավարության «Ժողովուրդների բարեկամություն» մեդալը։