ՀԱՊԿ երկրների ղեկավարները կոչ են արել կատարել Վիեննայի եւ Սանկտ Պետերբուրգի պայմանավորվածությունները
Նոյեմբերի 30-ին Մինսկում անցկացված ՀԱՊԿ Հավաքական անվտանգության խորհրդի նիստի ընթացքում ՀԱՊԿ երկրների ղեկավարները հայտարարություն են ընդունել Լեռնային Ղարաբաղի հակամարտության կարգավորման ուղղությամբ ԵԱՀԿ Մինսկի խմբի համանախագահների ջանքերին աջակցելու մասին:
«Մենք՝ Հավաքական անվտանգության պայմանագրի կազմակերպության անդամ երկրների ղեկավարներս, հայտարարում ենք ԵԱՀԿ Մինսկի խմբի համանախագահող երկրների ջանքերին մեր աջակցության մասին:
ԵԱՀԿ Մինսկի խմբի համանախագահությունը՝ ի դեմս Ռուսաստանի Դաշնության, Ֆրանսիայի եւ Ամերիկայի Միացյալ Նահանգների, միաջազգային հանրության համապատասխան մանդատն ունեցող միակ կառույցն է, որի առաքելությունն է կողմերին աջակցել Լեռնային Ղարաբաղի հակամարտության կարգավորմանը հասնել քաղաքական-դիվանագիտական միջոցներով:
Համանախագահող 3 երկրների ջանքերի շնորհիվ խնդրի կարգավորման նպատակով մշակվել է սկզբունքների եւ բաղադրիչների ամբողջականությունը որպես հիմք, որոնք արտացոլված են ղարաբաղյան հակամարտության վերաբերյալ ՌԴ, Ֆրանսիայի եւ ԱՄՆ նախագահների համատեղ հայտարարության մեջ:
Հաստատելով ղարաբաղյան հակամարտության բացառապես խաղաղ կարգավորման անհրաժեշտությունը՝ մեր աջակցությունն ենք հայտնում ԵԱՀԿ Մինսկի խմբի համանախագահող երկրների ջանքերին հակամարտության կարգավորման ուղղությամբ՝ միջազգային նորմերի եւ իրավունքի, ՄԱԿ Կանոնադրության դրույթների, ինչպես նաեւ Հելսինկյան Եզրափակիչ ակտի հիման վրա, որոնք մասնավորապես վերաբերում են ուժի կամ ուժի սպառնալիքի չկիրառմանը, տարածքային ամբողջականությանը եւ ժողովուրդների ինքնորոշման իրավունքին:
Հանդես ենք գալիս 2016-2017 թվականներին Վիեննայում, Սանկտ Պետերբուրգում եւ Ժնեւում տեղի ունեցած Լեռնային Ղարաբաղի հակամարտության հարցով գագաթնաժողովների ժամանակ ձեռք բերված պայմանավորվածությունների իրականացման օգտին, որոնք ուղղված են իրավիճակի թեժացման անթույլատրելիությանը, հրադադարին հետեւելուն, հակամարտության գոտում լարվածության թուլացման լրացուցիչ միջոցառումների ընդունմանը եւ բանակցային գործընթացի ինտենսիվացմանը»,- նշված է ՀԱՊԿ կայքում հրապարակված հայտարարության մեջ:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Գարեգին Երկրորդի եղբոր կալանքը 2 ամսով երկարաձգվեց
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Էստոնիան այս տարի պլանավորում է դեսպանություն բացել Երևանում
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...