«Ի տարբերություն Ռուսաստանի, Ադրբեջանը ագրեսիվ մտադրություններ կամ Ռուսաստանին որևէ բանի դրդելու ցանկություն չունի։ Մենք ո՛չ Ռուսաստանի վրա հարձակվելու մտադրություն ունենք, ո՛չ էլ հնարավորություն։ Բայց նրանք, ովքեր մեզ վրա կգան, մռութներին կստանան»,- ադրբեջանցի պատգամավորի խոսքերն են մեջբերում ադրբեջանական Telegram-ալիքները։
Հիշեցնենք, որ Մուսաբեկովի հեռակա հակամարտությունը Ռուսաստանի հետ սկսվել է Ռուսաստանի Պետդումայի պատգամավոր Անդրեյ Գուրուլյովի արտահայտությունների պատճառով, որը ակնարկել էր Ադրբեջանին ռազմական ներխուժման հնարավորության մասին՝ ի պատասխան Բաքվի՝ Ուկրաինային 2 մլն դոլարի չափով մարդասիրական օգնություն ուղղելու որոշման։
«Հատուկ ռազմական գործողությունը ձգվող հասկացություն է։ Ձգվող՝ Ռուսաստանի Դաշնության ողջ սահմանի երկայնքով»,- հայտարարել է Գուրուլյովը տեսանյութում, որը հրապարակել է իր Telegram-ալիքում։
«Մեծ խելքից չէ, որ հարաբերություններ են փչացնում Ռուսաստանի պես մեծ հարևանի հետ։ Եթե Ռուսաստանում վաճառասեղաններին Ադրբեջանից ապրանքներ չլինեն, ապա մեզ մոտ դրանից ոչինչ չի փոխվի, իսկ նրանց համար շատ բան կփոխվի։ Իսկ եթե մի փոքր էլ սաստենք տեղի տղաներին, որոնք այստեղ անհասկանալի բիզնեսով են զբաղվում, այդ դեպքում շատ բան կփոխվի»,- հավելել է ռուսաստանցի պատգամավորը։
Մուսաբեկովն ի պատասխան հայտարարել է, որ «նրանից, որ Գուրուլյովը Պետդումայի պատգամավոր է դարձել, նրա խելքը չի ավելացել»։
«Շատ ռուս զինվորականներ կարծում են, որ գլուխը պետք է միայն գլխարկ կրելու համար։
Կովկասում աշխարհագրական պայմանները Ադրբեջանի դեմ հնարավոր ռազմական գործողությունները գործնականում անհնարին են դարձնում։ Բացեք քարտեզը և նայեք. Ռուսաստանի և Ադրբեջանի սահմանն անցնում է Մեծ Կովկասյան լեռնաշղթայով։ Ինչպե՞ս եք դուք այնտեղ ինչ-որ հատուկ ռազմական գործողություն իրականացնելու։ Գուցե դեսանտային գործողությո՞ւն ադրբեջանական ափին։ Ձեզանից միայն լաթի կտորներ կմնան»,- հայտարարել է Մուսաբեկովը ադրբեջանական Baku TV-ին տված հարցազրույցում։
Ըստ պատգամավորի, ադրբեջանական բանակը զգալիորեն գերազանցում է Կովկասում գտնվող ռուսաստանյան զորքերին և ունակ է արդյունավետորեն պաշտպանել երկիրը։
«Ադրբեջանական բանակը պրոֆեսիոնալ զորք է, այլ ոչ թե բանտային հանցագործների հավաքածու, ինչպես որոշ ռուսաստանյան զորամասերում»,- հայտարարել է Մուսաբեկովը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...