Պուտին–Թրամփ հանդիպման վայրը խորհրդանշական է՝ Ալյասկայի ռազմաբազան դառնում է պատմական դիպվածի սցենա

Բազան, որտեղ տեղակայված են F-22 և F-35 կործանիչներ, ինչպես նաև E-3 AWACS վաղ զգուշացման ինքնաթիռներ, բազմիցս հյուրընկալել է համաշխարհային առաջնորդների հանդիպումներ։ Այստեղ 1971-ին Ռիչարդ Նիքսոնը դիմավորել է Ճապոնիայի կայսր Հիրոհիտոյին, 1983-ին կանգառ է տվել Ռոնալդ Ռեյգանը, իսկ 2015-ին՝ Բարաք Օբաման։ Հենց այս վայրում, օգոստոսի 15-ին, կկայանա Պուտին–Թրամփ tete-a-tete հանդիպումը և այնուհետև ընդլայնված բանակցությունները՝ հիմնականում Ուկրաինայի հակամարտության և Մոսկվա–Վաշինգտոն հարաբերությունների կարգավորման թեմաներով։

NBC News-ը հայտնում է, որ Թրամփը պատրաստվում է Պուտինին ընդունել «բարձրագույն պատիվներով»՝ անձամբ դիմավորելով նրան և հրահանգելով տարածել կարմիր գորգ։ Reuters-ի աղբյուրները նշում են, որ երկու առաջնորդները փոխադարձ համակրանք ունեն, և այս հանդիպումը կարող է փոխել միջազգային ուժերի դասավորությունը։ Այնուամենայնիվ, ԱՄՆ-ում հարցումները ցույց են տալիս, որ հասարակության մոտ 60 տոկոսը չի վստահում Թրամփի ունակությանը պաշտպանելու երկրի շահերը Ռուսաստանից եկող մարտահրավերների հարցում։