Թրամփը հայտարարել է, որ Սի Ծինփինը ցանկանում է, որ ինքը այցելի Չինաստան

ԱՄՆ նախագահ Դոնալդ Թրամփը հայտարարել է, որ Չինաստանի նախագահ Սի Ծինփինը ցանկանում է, որ ինքը այցելի Չինաստան։ «Սի Ծինփինը ուզում է, որ ես գնամ այնտեղ, և նա կգա Միացյալ Նահանգներ։

Մենք, ամենայն հավանականությամբ, մոտ ապագայում կմեկնենք Չինաստան, գուցե մինչև այս տարվա վերջը», – ասել է ամերիկացի առաջնորդը Breitbart News-ին տված հարցազրույցում՝ նշելով, որ հնարավոր այցելությունների ամսաթվերը դեռևս համաձայնեցված չեն։

Թրամփը նաև դրական գնահատական է տվել Չինաստանի հետ առևտրային բանակցություններին. «Մենք շատ լավ ենք լեզու գտնում Չինաստանի հետ։ Առևտրային համաձայնագրի շուրջ իրավիճակը մինչ այժմ լավ է։ Ես բարձրացրի մաքսատուրքերը, և մի պահ դրանք հասան 145%-ի, ինչը նշանակում էր, որ անհնար էր որևէ գործարք կնքել։ Մեղմ ասած՝ դա մի փոքր չափազանց էր և էապես մեկ ամսով դադարեցրեց ԱՄՆ-ի և Չինաստանի միջև առևտուրը։

Չինաստանը շատ կարևոր է մեզ համար», – եզրափակել է նա։