Ջիգարխանյանի նախկին կինը հնարավոր է՝ հղի է

ԽՍՀՄ ժողովրդական արտիստ Արմեն Ջիգարխանյանի ու նրա նախկին կնոջ՝ 38-ամյա Վիտալինա Ցիմբալյուկ-Ռոմանովսկայայի շուրջ ծագած սկանդալը չի հանդարտվում արդեն երկար ժամանակ:

Ութսուներկուամյա դերասանից դատարանի միջոցով ամուսնալուծվելուց հետո, կինը հայտնել է, որ հղի է: Այս մասին գրում է kp.ru-ն՝ քաջատեղյակ աղբյուրի հղումով:

Հայտնի է, որ քննիչները Ցիմբալյուկ-Ռոմանովսկայայի դեմ քրեական գործ են հարուցել՝ Ջիգարխանյանի աշխատասենյակում առանց նրա իրազեկման գաղտնի տեսախցիկ և գաղտնալսման սարքեր տեղադրելու, ինչպես նաև Ջիգարխանյանի հիմնած թատրոնի բյուջեից 80 մլն ռուբլու անհետացման հարցերով: Քննիչները մի քանի անգամ հարցաքննության են կանչել Ցիմբալյուկ-Ռոմանովսկայային, սակայն վերջինս կտրուկ հրաժարվել է: Իսկ երբ քննիչը պահանջել է, որ կինն անհապաղ ներկայանա հարցաքննության, նա տեղեկացրել է, որ հղի է և որ բժիշկն իրեն խորհուրդ է տվել չանհանգստանալ ու չնյարդայնանալ, պատմել է աղբյուրը:

Ըստ աղբյուրի՝ Ցիմբալյուկ-Ռոմանովսկայան մանրամասնել է, որ ներընտանեկան սկանդալից հետո Վրաստան էր մեկնել, որպեսզի Մոսկվայում լրագրողները չիմանային իր վիճակի մասին: Նրա խոսքով՝ ինքը Վրաստանում միառժամանակ պառկել է մասնավոր կլինիկա: Այժմ քննիչները հարցում են ուղարկել այդ կլինիկա, որպեսզի պարզեն՝ Ցիմբալյուկ-Ռոմանովսկայան իրոք հղի է, թե ոչ:

Հայտնի է, որ նախքան աղմկահարույց ամուսնալուծությունը, կինը տարբեր առիթներով ասել էր, որ ցանկանում է իրենից 44 տարով մեծ Ջիգարխանյանին ժառանգ պարգևել: Քաջատեղյակ աղբյուրների փոխանցմամբ՝ նա նույնիսկ քննարկել էր արհեստական ճանապարհով հղիանալու տարբերակը, և չի բացառվում, որ այդ գործընթացը մեկնարկել էր նախքան ամուսինների միջև վեճն ու բաժանությունը:

Այնուհանդերձ՝ չի բացառվում նաև, որ հղիության լուրը կեղծ է. ըստ մասնագետների՝ Ցիմբալյուկ-Ռոմանովսկայան դա կարող է օգտագործել միառժամանակ հարցաքննումներից խուսափելու համար:

Հիշեցնենք, որ նախկին ամուսինների շուրջ ընտանեկան սկանդալը ծագել էր հոկտեմբերի կեսին: Հայտնի է, որ դերասանը հոսպիտալացվել էր Ցիմբալյուկ-Ռոմանովսկայայի հետ խոշոր վեճի ժամանակ ինքնազգացողության վատացման պատճառով: Այնուհետև Ջիգարխանյանը կնոջը «գող», «սրիկա» էր անվանել՝ նրան մեղադրելով իր ունեցվածքը՝ այդ թվում նաև 3 բնակարանը յուրացնելու համար:

Բացի այդ, Ջիգարխանյանը կնոջը հեռացրել է իր իսկ հիմնած դրամատիկական թատրոնի գլխավոր տնօրենի պաշտոնից: Դրանից հետո Ցիմբալյուկ-Ռոմանովսկայան հեռացել է Ռուսաստանից՝ խոստանալով կրքերը հանդարտվելուն պես վերադառնալ:

Ավելի վաղ իրավապահ մարմինները ներկայացնող աղբյուրը պատմել է, որ Ջիգարխանյանի հիմնած ու նրա անունը կրող դրամատիկական թատրոնը 2 տարի ղեկավարելու ընթացքում Ցիմբալյուկ-Ռոմանովսկայան թատրոնից օֆշորներ է տեղափոխել մոտ 80 մլն ռուբլի:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)