Նեթանյահուն կանգ չի առնի, այլապես նրան բանտ է սպասվում. փորձագետ
Նմանատիպ գործողությունների մասին (Իրանի դեմ- խմբ.) երկար է խոսվում, եւ բնավ դժվար չէ հետեւել դրանց, համենայն դեպս, ամերիկյան եւ բրիտանական հատուկ ծառայությունները պետք է հասկանային, որ Իսրայելը պատարստվում է այդ գործողությանը։ Այս մասին NEWS.am-ի «Ուժի գործոն» հաղորդման ժամանակ հայտնել է հաղորդման հյուրը՝ արեւելագետ, Իրանի գծով մասնագետ Կարինե Գեւորգյանը։
«Նեթանյահուն ինքը խնդիրներ ունի, նրա դեմ քրեական գործեր են հարուցվել, Գազայում ոչինչ չի ստացվում, եւ նա արդեն Հոլոքոստի ողբերգությունը փոխանակել է մանրադրամով։ Հիմա, երբ նա փորձում է բարձրացնել հակասեմականության հարցը, ներքեւից նրա վրա գոռում են, որ նա եւ իր զինված ուժերն էլ հենց գլխավոր հակասեմականներն են Գազայում հանձին արաբների սեմիտների սպանության համար։
Իմ վարկածն այն է, որ Նեթանյահուն ստիպված է եղել սկսել այս գործողությունը, քանի որ, ըստ երեւույթին, նա գործում է ուլտրագլոբալիստների շահերից ելնելով, այլ ոչ թե Թրամփի, որին այս պահին դա ընդհանրապես պետք չէր։ Եվ պատահական չէ, որ Թրամփն ինքը եւ ամերիկյան վարչակազմն ընդհանրապես հայտարարեցին, որ տեղյակ են դրա մասին, բայց չասացին, որ տվել են իրենց հավանությունը։
Եվ մենք տեսնում ենք, թե ինչպես է ընկնում Թրամփի վարկանիշը. նա կորցրել եւ կորցնում է այս իրավիճակում։
Նեթանյահուն գործել է ի շահ առնվազն երեք ուժերի Արեւմուտքում, որոնք շահագրգռված կլինեին, որպեսզի թուլացնեն թե՛ Թրամփի անկեղծ կողմնակիցներին, թե՛ նրանց, ովքեր հակվում են Թրամփին համակրելուն։
Այն, ինչ տեղի ունեցավ, միայն առաջին փուլն է։ Քանի որ բլից կրիգը չստացվեց, ապա այդ դիմակայությունը, այդ թվում զինված դիմակայությունը, կանցնի երկարատեւ փուլ, ինչպես տեղի ունեցավ Գազայում»,- նշել է փորձագետը։
Գեւորգյանի համար ակնհայտ է, որ Միացյալ Նահանգներն ու Եվրոպան ի վիճակի չեն արտադրել զենք լայնածավալ ռազմական գործողությունների համար։ Նա ավելացրել է, որ Արեւմուտքը բավարար ռեսուրսներ չունի իրական, լայնածավալ պատերազմի համար, եւ դեռեւս կա ռազմական գործողությունների ուկրաինական թատերաբեմը, կարող են բացվել այլ թատերաբեմներ։
«Նեթանյահուն ինքը կանգ չի առնի։ Նա չի կարող կանգ առնել։ Դա անհնար է։ Հակառակ դեպքում՝ բանտ։ Նրա դեմ քրեական գործեր են հարուցվել, Իսրայելում էլ կա նյարդայնություն, գումարած այս գործողությունը, գումարած ավերածությունները։ Նա այլընտրանք չունի։ Նա պետք է անընդհատ պայքարի հիմա, որպեսզի փրկի իրեն։ Չնայած այն հանգամանքին, որ Նեթանյահուն փորձեց համոզել Թրամփին, որ նրա դեմ մահափորձը բեմադրել են իրանցիները, Թրամփն այդքան էլ միամիտ մարդ չէ, քանի որ այնտեղ կա ուկրաինական հետք, իսկ իրանականը դեռեւս ընդհանրապես չի հայտնաբերվել»,- ընդգծել է փորձագետը։
Ինչ վերաբերում է Իրանի ղեկավարության մեջ փոփոխություններին եւ նոր մարդկանց, ապա նրանք, Գեւորգյանի խոսքով, հավատարիմ են նույն հռետորաբանությանը «սիոնիստական ռեժիմի կործանման վերաբերյալ, որը թունավոր է Իրանի եւ մակրոտարածաշրջանի համար»։
«Իրանական էմիգրացիան, որը միշտ դեմ է եղել այաթոլաներին, նույնպես համախմբվել է եւ աջակցում է ԻՀՊԿ գործիչներին: Իրանի շահի թոռն աջակցել է Իսրայելին, բայց նույնիսկ իրանական ներգաղթը դուրս է եկել նրա դեմ, քանի որ նա ժողովրդականություն չի վայելում»,- եզրափակել է փորձագետը:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են