Իրանը պատրաստ է «լուծել խնդիրները» ԱՄՆ-ի հետ․ Փեզեշքիան

Իրանի նախագահ Մասուդ Փեզեշքիանը Սաուդյան Արաբիայի թագաժառանգ Մուհամեդ բեն Սալման Ալ Սաուդի հետ զրույցի ընթացքում հայտարարել է, որ Իսլամական Հանրապետությունը պատրաստ է լուծել Միացյալ Նահանգների հետ հարաբերություններում կուտակված խնդիրները: Այս մասին գրում է РИА Новости-ն։
«Մենք պատրաստ ենք մեր և ԱՄՆ-ի միջև առկա խնդիրները լուծել միջազգային նորմերի հիման վրա։ Մենք երբեք մեր իրավունքներից դուրս ոչինչ չենք պահանջում», - ասել է Փեզեշքիանը։
Նա հավելել է, որ Թեհրանը կողջունի բարեկամ պետությունների ցանկացած աջակցություն այդ հարցում: