Լիբերիայի նախագահ Բոակային տեղափոխող ինքնաթիռը կոշտ վայրէջք է կատարել

Լրատվամիջոցների տվյալներով՝ արտակարգ դեպքը տեղի է ունեցել մայիսի 29-ի երեկոյան։ Թռիչքուղուն մոտենալով ինքնաթիռի վայրէջքի սարքը խափանվել է, ինչը հանգեցրել է կոշտ վայրէջքի։ Լիբերիայի առաջնորդը թռչում էր Նիգերիայում Արևմտյան Աֆրիկայի պետությունների տնտեսական համայնքի (ECOWAS) 50-ամյակին նվիրված միջոցառումներից: Նա չի տուժել։

Միջադեպի կապակցությամբ Մոնրովիայի միջազգային օդանավակայանում ամբողջ գիշեր թռիչքները չեղարկվել են մինչև մայիսի 30-ի առավոտ։

Լիբերիայի օդանավակայանի վարչությունը հաստատել է «տհաճ իրավիճակ, որը քիչ էր մնում՝ հանգեցներ ողբերգության»՝ կապված նախագահական ինքնաթիռի հետ, և հետաքննություն է հայտարարել։

«Թռիչքուղու ենթակառուցվածքը լիովին համապատասխանում է թռիչքների անվտանգության միջազգային չափանիշներին»,- նշել են գործակալությունում։