Եվրահանձնաժողովի ղեկավար Ֆոն դեր Լեյենը զանգահարել է Թրամփին

Եվրահանձնաժողովի նախագահ Ուրսուլա Ֆոն դեր Լեյենը սոցցանցերում հայտնել է, որ «լավ» հեռախոսազրույց է ունեցել ԱՄՆ նախագահ Դոնալդ Թրամփի հետ։
Գրառման մեջ նա նշել է, որ ԵՄ-ն և ԱՄՆ-ն ունեն «աշխարհում ամենակարևոր և սերտ առևտրային հարաբերությունները»: Ֆոն դեր Լեյենն ընդգծել է, որ եվրոպական երկրները պատրաստ են «արագ և վճռականորեն» առաջ շարժվել ԱՄՆ-ի հետ առևտրային գործարքի շուրջ բանակցություններում։
«Մեզ անհրաժեշտ կլինի մինչև հուլիսի 9-ը ժամանակ լավ գործարքի հասնելու համար»,- ասել է ԵՀ ղեկավարը։