Ֆրանսիան իրական գործողություններ է ակնկալում Ուկրաինայի վերաբերյալ բազմաթիվ հայտարարություններից հետո

Ֆրանսիան ակնկալում է իրական գործողություններ, որոնք հնարավորություն կտան խաղաղության հասնել Ուկրաինայում։ Այս մասին CNEWS հեռուստաալիքի եթերում հայտարարել է նախարար պատվիրակ, Ֆրանսիայի կառավարության պաշտոնական ներկայացուցիչ Սոֆի Պրիման՝ մեկնաբանելով Ռուսաստանի և ԱՄՆ նախագահների բանակցությունների արդյունքները։

Մենք կսպասենք գործողությունների, իրական գործողությունների, և մենք ձեզ հիշեցնում ենք հրադադար հաստատելու մեր ցանկության մասին՝ բանակցությունների մեջ մտնելու համար: Սա է հիմնական նախապայմանը: Մինչդեռ ռմբակոծությունները շարունակվում են», - ասել է նա:

Կառավարության խոսնակը հավելել է, սակայն, որ ԱՄՆ նախագահ Դոնալդ Թրամփի առաջարկը, թե Ուկրաինայի հարցով խաղաղ բանակցություններ կարող են անցկացվել Վատիկանում, «գեղեցիկ խորհրդանիշ կլինեն»։

Ավելի վաղ ՌԴ նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույց են ունեցել, որը տևել է ավելի քան երկու ժամ։ Երկու պետությունների ղեկավարները քննարկել են, առաջին հերթին, Ուկրաինայում հակամարտությունը հաղթահարելու ուղիները։