Նշվում է, որ մայիսի 19-ին ՌԴ նախագահ Վլադիմիր Պուտինի հետ Թրամփի զրույցի նախօրեին արևմտյան առաջնորդները «քննարկել են անվերապահ հրադադարի անհրաժեշտությունը» և Մոսկվային կոչ են արել «լրջորեն վերաբերվել խաղաղ բանակցություններին»։ Բացի այդ, նրանք հայտարարել են Ռուսաստանի դեմ նոր պատժամիջոցներ սահմանելու պատրաստակամության մասին այն դեպքում, եթե ռուսաստանյան ղեկավարությունը «հրաժարվի լրջորեն բանակցել հրադադարի և խաղաղության շուրջ»։
Սթարմերը Թրամփի, Մակրոնի, Մերցի և Մելոնիի հետ քննարկել է Ուկրաինայի հարցը

Մեծ Բրիտանիայի վարչապետ Քիր Սթարմերը կիրակի օրը հեռախոսազրույց է ունեցել ԱՄՆ նախագահ Դոնալդ Թրամփի, Ֆրանսիայի նախագահ Էմանուել Մակրոնի, Գերմանիայի Դաշնային Հանրապետության (ԳԴՀ) կանցլեր Ֆրիդրիխ Մերցի և Իտալիայի վարչապետ Ջորջա Մելոնիի հետ, որի ընթացքում կողմերը քննարկել են հակամարտությունն Ուկրաինայում։ Այս մասին հայտնել է Reuters գործակալությունը՝ հղում անելով Դաունինգ սթրիթ, 10-ի գրասենյակի ներկայացուցչին։