Մոսկվան հուսով է, որ Ստամբուլում բանակցությունները շուտով կսկսվեն․ Կրեմլ

«Բնականաբար, այժմ ամբողջ ուշադրությունը կենտրոնացած է այն բանի վրա, թե ինչպես է զարգանում բանակցային իրավիճակը Ստամբուլում: Մենք հուսով ենք, որ մոտ ապագայում կսկսվեն ռուս-ուկրաինական ուղիղ բանակցությունները: Առայժմ ասելիք չկա, պետք է սպասել և տեսնել, թե ինչպես կանցնեն դրանք»,- լրագրողներին ասել է Պեսկովը:

 

Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցությունները՝ առանց նախապայմանների մայիսի 15-ին Ստամբուլում։ Պետության ղեկավարը չի բացառել, որ համապատասխան բանակցությունների ընթացքում կողմերը կարող են համաձայնության գալ հրադադարի շուրջ։