Զելենսկին հիշեցրել է հնարավոր բանակցությունների մասին՝ խոսելով վերջին 24 ժամվա ընթացքում ռուսական հրետակոծությունների մասին։ «Երբ ամբողջ աշխարհը սպասում է, որ Պուտինը պարզ «այո» պատասխան տա ուղիղ բանակցությունների առաջարկին, նա շարունակում է հարվածել Ուկրաինային։ Այստեղ ոչ մի ռազմական իմաստ չկա»,- հայտարարել է Ուկրաինայի նախագահը՝ Պուտինին մեղադրելով պատերազմը երկարաձգելու մեջ։
«Ես սպասում եմ, թե ով կժամանի Ռուսաստանից, և այդ ժամանակ կորոշեմ, թե ինչ քայլեր պետք է ձեռնարկի Ուկրաինան։ Լրատվամիջոցներում նրանցից եկող ազդանշանները դեռևս համոզիչ չեն»,- հավելել է Զելենսկին։ Նա հիշեցրել է, որ ԱՄՆ նախագահ Դոնալդ Թրամփը նույնպես քննարկում է Թուրքիայում բանակցություններին մասնակցելու հնարավորությունը, ինչը կարող է լինել ամենաուժեղ փաստարկը։
«Ուկրաինան պատրաստ է բանակցությունների ցանկացած ձևաչափի, և մենք չենք վախենում հանդիպումներից։ Վաղը՝ Թուրքիայում»,- հայտարարել է Զելենսկին։
Ռուսաստանի և Ուկրաինայի միջև, 2022 թվականից ի վեր առաջին անգամ, մայիսի 15-ին Թուրքիայում ուղիղ բանակցություններ կսկսվեն։ Նմանատիպ առաջարկով ավելի վաղ հանդես էր եկել նաև Վլադիմիր Պուտինը։ Սակայն նա չի մանրամասնել, թե ինչ մակարդակով է տեղի ունենալու հանդիպումը։
Ռուսաստանը միջնամատ է ցույց տալիս ամբողջ աշխարհին․ Զելենսկի
Լեհաստանում կտրուկ են արձագանքել Զելենսկու կոչին
Զելենսկին փոխել է Ստամբուլում կայանալիք բանակցությունների պատվիրակության կազմը
Միանգամայն փայլուն արդյունք, օգտագործվել է 117 անօդաչու. Զելենսկին մեկնաբանել է ՌԴ ռազմական օդանավակայններին մասշտաբային hարվածը