Լուլա դա Սիլվան մտադիր է Մոսկվայում բանակցություններ վարելու Կիևի խնդրանքները փոխանցել Պուտինին

Բրազիլիայի նախագահ Լուիս Ինասիո Լուլա դա Սիլվան մտադիր է Չինաստան այցից հետո վերադառնալ Մոսկվա՝ Ռուսաստանի առաջնորդ Վլադիմիր Պուտինի հետ քննարկելու ուկրաինական իշխանությունների խնդրանքը՝ մայիսի 15-ին Ստամբուլում հնարավոր բանակցությունների և պատվիրակությունների կազմի վերաբերյալ։

«Երբ կանգ առնեմ Մոսկվայում, կփորձեմ խոսել Պուտինի հետ այս մասին», - ասել է Լուլա դա Սիլվան Պեկինում կայացած մամուլի ասուլիսում։

Նա նաև նշել է, որ մայիսի 8-10-ին այցելելով Ռուսաստանի Դաշնություն, Վլադիմիր Զելենսկիից հարցում է ստացել՝ պարզելու հրադադար հայտարարելու Ռուսաստանի ղեկավարության պատրաստակամության մասին։

«Բրազիլիայի արտաքին գործերի նախարար Մաուրո Վիեյրան զանգ է ստացել Ուկրաինայի ԱԳՆ ղեկավարից։ Նա ասել է, որ Զելենսկին կցանկանար, որ ես Պուտինին խնդրեմ պարզել՝ պատրաստ է արդյոք խաղաղ համաձայնագիր կնքել», - ասել է Բրազիլիայի ղեկավարը։ «Վիեյրան ինձ ասաց Զելենսկիի խնդրանքի մասին»։

Լուլա դա Սիլվան հավելել է, որ այն հանձնել է Պուտինի հետ հանդիպումից անմիջապես հետո։ «Ես Պուտինի հետ ընթրելու հնարավորություն ունեցա, և սա առաջին բանն էր, ինչի մասին հարցրի»,- նշել է Բրազիլիայի նախագահը։