Չինաստանում հայտարարել են՝ կօգնեն կանխել հակամարտությունները և պահպանել խաղաղությունը ողջ աշխարհում

Նշվում է, որ գլոբալ անվտանգության ոլորտում երկրի նախաձեռնությունը հաշվի է առնում համաշխարհային հանրության կարիքները՝ գլոբալ կայունության պահպանման, փոխշահավետ համագործակցության խթանման, հեգեմոնիայի ու ահաբեկման քաղաքականության դեմ պայքարում։ Զեկույցի համաձայն՝ Չինաստանի Ժողովրդական Հանրապետության այս ռազմավարությունը համահունչ է մոլորակի վրա կայուն խաղաղություն ապահովելու բոլոր պետությունների ձգտումներին, ինչպես նաև միջազգային հակամարտությունների վաղեմի պատճառները վերացնելու և մարտահրավերներին արձագանքելու նոր նախագիծ է։

Նշվում է նաև, որ Չինաստանը կաջակցի իրական բազմակողմանիությանը, հաշվի կառնի ընդհանուր ընդունված իրավական նորմերը և կնպաստի համաշխարհային անվտանգության կառավարման համակարգի կատարելագործմանը ավելի արդար և ողջամիտ ուղղությամբ։ «Բացի այդ, Չինաստանը հույս ունի վստահություն և կայունություն բերել միջազգային ասպարեզում անորոշության պայմաններում»,-ասվում է փաստաթղթում։