Թրամփն իր վարչակազմին հանկարծակիի է բերել մեկ որոշմամբ

ԱՄՆ նախագահ Դոնալդ Թրամփը մասամբ կասեցրել է նախկինում սահմանված առևտրային մաքսատուրքերը՝ առանց իր թիմի անդամներին նախազգուշացնելու, քանի որ նրանց հրապարակային հայտարարությունները տարբերվում են այն ամենից, ինչ ինքը՝ պետության ղեկավարը հետագայում ասել է։ Այս մասին գրում է The New York Times-ը։

Ինչպես նշվում է հոդվածում, մինչ Սպիտակ տունը փորձում էր համոզել լրագրողներին, որ դա լավ մտածված որոշում է և ռազմավարության մաս, ինքը՝ Թրամփը, դա անվանել է «բնազդային քայլ»։

Այս որոշումը զարմացրել է վարչակազմին։ Որոշ խորհրդականներ դեռ չգիտեն՝ մաքսատուրքերը դադարեցվել են բանակցությունների համար, թե դա ընդամենը ժամանակավոր զիջում է շուկայի ճնշման ֆոնին։

«Ըստ NYT-ի, խորհրդականները մասնավոր կերպով ընդունում են, որ պատճառը շուկայական խուճապն է: Չնայած դադարը որպես կանխամտածված քայլ ներկայացնելու փորձերին՝ պարզ է, որ նույնիսկ Թրամփի մերձավոր շրջապատը տեղյակ չէր նրա սակագնային քաղաքականության շրջադարձի մասին»,-կարծում են լրագրողները։